Athugið þessi frétt er meira en 5 mánaða gömul.

Fimm fórust í flugslysi í Frakklandi

10.10.2020 - 17:58
epa05024189 The French flag is seen at half mast at the embassy of France in Berlin Germany, 14 November 2015. At least 120 people have been killed in a series of attacks in Paris on 13 November, according to French officials.  EPA/GREGOR FISHER
 Mynd: EPA - DPA
Enginn lifði af flugslys sem varð í vesturhluta Frakklands í dag. Fisflugvél sem bar tvo farþega og lítil farþegavél með þrennt innanborðs skullu saman yfir bænum Loches, með framangreindum afleiðingum.

Flak fisflugvélarinnar féll til jarðar nærri íbúðarhúsi í bænum án þess að nokkur á jörðu niðri yrði fyrir meiðslum. Hin flugvélin sem var af gerðinni Diamond DA40 hrapaði til jarðar á óbyggðu svæði.  

Flugbjörgunarlið var fyrst á staðinn og fann flök vélanna. Hálft hundrað slökkviliðsmanna var jafnframt kallað til og um þrjátíu lögreglumenn beindu allri umferð frá slysstaðnum. 

Ekkert liggur fyrir um ástæður flugslyssins né hver hin látnu eru. Lögregla í Loches rannsakar nú málavöxtu.  

 

markusthth's picture
Markús Þ. Þórhallsson
Fréttastofa RÚV