Mynd: RÚV
Landssamband lögreglumanna samþykkti nýjan kjarasamning
Landssamband lögreglumanna skrifaði undir nýjan kjarasamning við samninganefnd ríkisins síðdegis í gær en viðræður hjá ríkissáttasemjara hafa staðið lengi yfir með hléum. Lögreglumenn höfðu verið án kjarasamnings um eitt og hálft ár frá því að kjarasamningur rann út í apríl í fyrra og er nýr samningurinn að fullu afturvirkur til 1. apríl 2019.
Stjórn landssambands lögreglumanna mun því næst kynna samninginn bæði með rafrænum hætti og á fundum, eftir því sem aðstæður leyfa, í næstu viku. Þetta kemur fram í tilkynningu frá landssambandinu.
Rafræn kosning um kjarasamninginn fer fram þegar hann hefur verið kynntur félagsmönnum.
