Mynd: RÚV - Fjögur sveitarfélög á Austur
Athugið þessi frétt er meira en mánaðargömul.
Opinn framboðsfundur í kvöld í nýju sveitarfélagi
Opinn framboðsfundur verður í kvöld fyrir sveitarstjórnarkosningar í nýju sameinuðu sveitarfélagi á Austurlandi. Kosið verður á laugardaginn og fimm listar eru í framboði: Austurlistinn, Framsókn, Miðflokkurinn, Sjálfstæðisflokkurinn og Vinstri græn.
Tveir frambjóðendur frá hverjum lista verða í Menntaskólanum á Egilsstöðum í kvöld en vegna samkomutakmarkana verða engir áhorfendur í sal. Þess í stað getur fólk fylgst með fundinum á Facebook-síðu Austurfréttar. Fundurinn hefst kl. 20 og áhorfendur geta sent inn spurningar í gegnum appið Mentimeeter. Áður en fundur hefst er hægt að senda inn spurningar á netfangið [email protected] eða [email protected]
Það eru Austurfrétt/Austurglugginn og sveitarfélagið Fljótsdalshérað sem standa fyrir fundinum.
Annað kvöld eftir útvarpsfréttir klukkan 18 mætast svo oddvitar framboðanna í Speglinum sem sendur er út á Rás 1 og Rás 2.
