Mynd: Ragnar V - RÚV
Athugið þessi frétt er meira en mánaðargömul.
Áfengi dýrast á Íslandi
Áfengi er dýrara á Íslandi en í öllum hinum Evrópusambands/EFTA-ríkjunum. Þetta kemur fram í hagtölum evrópsku hagstofunnar Eurostat og Hagstofa Íslands vakti athygli á tölunum í færslu á Facebook í dag.
Verðlag áfengra drykkja var 165 prósentum hærra á Íslandi en að meðaltali í Evrópusambandsríkjum árið 2019. Noregur fylgir fast á eftir Íslandi og Finnland þar á eftir. Innan Evrópusambandsins er áfengisverð hæst í Finnlandi.
Verðlag óáfengra drykkja er hærra í Noregi, Sviss, Danmörku og á Írlandi en hér á landi og verð á matvöru er hærra í Sviss og í Noregi en á Íslandi.
Mynd: Eurostat
