Sjö smit greindust innanlands í gær

15.08.2020 - 11:00
Mynd með færslu
 Mynd: RÚV
Sjö kórónuveirusmit greindust innanlands í gær og ekkert við landamærin, en fjórir bíða eftir niðurstöðu mótefnamælingar eftir sýnatöku þar. Fjórir þeirra sem greindust voru í sóttkví.

3.342 sýni voru tekin í gær, þar af 2.805 við landamærin, 501 sýni var tekið af sýkla- og veirufræðideild LSH og 36 af Íslenskri erfðagreiningu. 

605 eru nú í sóttkví og einn á sjúkrahúsi.  Nýgengi innanlandssmita er nú 21,0, sama og í gær og nýgengi landamærasmita er 7,1.

 

 

Flestir þeirra sem eru í sóttkví búa á höfuðborgarsvæðinu, 402. 73 eru í sóttkví á Suðurlandi og 28 á Suðurnesjum. Fólki í sóttkví á Austurlandi fjölgaði úr níu í 21.

annalth's picture
Anna Lilja Þórisdóttir
Síðast:
Þessi þáttur er í hlaðvarpi