Áhöfn TF-SIF kom upp um stórtæka fíkniefnasmyglara

11.08.2020 - 15:34
Spænska lögreglan, Guardia Civil, í samvinnu við Landhelgisgæslu Íslands handtók fjóra og gerði 963 kíló af hassi upptæk á dögunum. Áhöfnin á TF-SIF, eftirlitsflugvél Landhelgisgæslunnar, var við landamæraeftirlit á vestanverðu Miðjarðarhafi þegar hún kom auga á hraðbát með torkennilegan varning um borð. Höfuðstöðvum spænsku lögreglunnar í Madrid var þegar gert viðvart og á meðan fylgdi TF-SIF bátnum eftir inn á Gíbraltarsund í ríflega tvo tíma. Þar mætti spænska lögreglan á hraðbát og handtók fjóra smyglara og gerði tæpt tonn af hassi upptækt.
 Mynd: Landhelgisgæslan
Áhöfnin á TF-SIF, flugvél Landhelgisgæslunnar, kom auga á bát með tæpt tonn af fíkniefnum við landamæraeftirliti á vestanverðu Miðjarðarhafi á vegum Frontex, Landamærastofnunar Evrópu. Spænska lögreglan handtók fjóra vegna málsins og gerði 963 kíló af hassi upptæk.

Þetta kemur fram í tilkyninngu Landhelgisgæslunnar.

Þótti áhöfninni hraðbáturinn vera með torkennilegan varning um borð og gerði höfuðstöðvum spænsku lögreglunnar viðvart. Gæslan veitti bátnum eftirför inn á Gíbraltarsund í ríflega tvo tíma. Þar mætti spænska lögreglan á hraðbát og handtók fjóra smyglara og gerði tæpt tonn af hassi upptækt.

Samkvæmt fréttatilkynningu spænsku lögreglunnar voru smyglararnir frá Marokkó, Belgíu og Frakklandi. 

Áhöfnin á TF-SIF hefur frá júnímánuði haft aðsetur á Malaga á Spáni og sinnt landamæraeftirliti á Miðjarðarhafi á Frontex. í tilkyninngu kemur fram að ferðin hafi verið var árangursrík. Áhöfnin hefur tekið þátt í 41 verkefni og stuðlað að björgun 78 flóttamanna og komið upp um fjölmarga smyglara sem reynt hafa að flytja fíkniefni til meginlands Evrópu.

TF-SIF lagði af stað til Íslands frá Spáni í dag og er væntanleg til landsins síðar í vikunni.

Spænska lögreglan, Guardia Civil, í samvinnu við Landhelgisgæslu Íslands handtók fjóra og gerði 963 kíló af hassi upptæk á dögunum. Áhöfnin á TF-SIF, eftirlitsflugvél Landhelgisgæslunnar, var við landamæraeftirlit á vestanverðu Miðjarðarhafi þegar hún kom auga á hraðbát með torkennilegan varning um borð. Höfuðstöðvum spænsku lögreglunnar í Madrid var þegar gert viðvart og á meðan fylgdi TF-SIF bátnum eftir inn á Gíbraltarsund í ríflega tvo tíma. Þar mætti spænska lögreglan á hraðbát og handtók fjóra smyglara og gerði tæpt tonn af hassi upptækt.
 Mynd: Landhelgisgæslan
Gæslan veitti bátnum eftirför inn á Gíbraltarsund í ríflega tvo tíma.
Spænska lögreglan, Guardia Civil, í samvinnu við Landhelgisgæslu Íslands handtók fjóra og gerði 963 kíló af hassi upptæk á dögunum. Áhöfnin á TF-SIF, eftirlitsflugvél Landhelgisgæslunnar, var við landamæraeftirlit á vestanverðu Miðjarðarhafi þegar hún kom auga á hraðbát með torkennilegan varning um borð. Höfuðstöðvum spænsku lögreglunnar í Madrid var þegar gert viðvart og á meðan fylgdi TF-SIF bátnum eftir inn á Gíbraltarsund í ríflega tvo tíma. Þar mætti spænska lögreglan á hraðbát og handtók fjóra smyglara og gerði tæpt tonn af hassi upptækt.
 Mynd: Landhelgisgæslan
Valgerður Árnadóttir
Fréttastofa RÚV
Síðast:
Þessi þáttur er í hlaðvarpi