Mynd: RÚV
Athugið þessi frétt er meira en mánaðargömul.
Villtust í þoku á Reykjanesi
Björgunarsveitir á Suðurnesjum voru kallaðar út fyrir um klukkustund vegna tveggja göngumanna sem villtir voru í þoku við Trölladyngju í grennd við Keili. Að sögn Jónasar Guðmundssonar upplýsingafulltrúa Landsbjargar tókst björgunarsveitum að leiðbeina fólkinu símleiðis.
Því tókst að komast að bíl sínum eftir að hafa verið í fjórar til fimm klukkustundir í villu.
Einn hópur björgunarmanna er með fólkinu en aðrir eru á heimleið. Alls voru um 40 björgunarmenn við leit.
