Mynd: Birgir Þór Harðarson
Var ber að ofan, öskrandi og æpandi
Lögreglunni á höfuðborgarsvæðinu bárust Í gærkvöldi nokkrar tilkynningar um karlmann í mjög annarlegu ástandi utandyra í Breiðholti og var sá ber að ofan, öskrandi og æpandi. Maðurinn fannst eftir nokkra leit og var látinn sofa úr sér í fangageymslum lögreglu.
52 mál voru bókuð hjá lögreglu síðasta hálfa sólarhringinn og þar af voru fimm vistaðir í fangageymslu.
Tveir voru handteknir í miðbænum á sjöunda tímanum í gær eftir að tilkynning barst um innbrot í verslun.
Þá var brotist inn á heilsugæslugæslustöð í Breiðholtinu um klukkan tvö í nótt. Gerandinn var handtekinn á vettvangi og vistaður í fangageymslu vegna rannsóknar málsins.
Nokkrir ökumenn voru þá stöðvaðir vegna gruns um akstur undir áhrifum fíkniefna.
