Athugið þessi frétt er meira en mánaðargömul.

Mannfall í landamæradeilum

14.07.2020 - 11:09
epa05242443 Armenian artillery position of the self-defense army of Nagorno-Karabakh in Martakert, Nagorno-Karabakh Republic, 03 April 2016. According to media reports, dozens have died during clashes that erupted on 01 April 2016 as part of a territorial conflict between Armenia and Azerbaijan in Nagorno-Karabakh Republic. Azerbaijan armed forces reportedly attacked self-proclaimed Nagorno-Karabakh Republic, which has been controlled by ethnic Armenians since 1994. Russian President Vladimir Putin called for a ceasefire.  EPA/VAHRAM BAGHDASARYAN / PHOTOLURE
Armenskir stórskotaliðar í Nagornó-Karabak. Mynd: EPA - PHOTOLURE
Ellefu hermenn frá Aserbaísjan hafa fallið í átökum við armenska hermenn á landamærum ríkjanna undanfarna tvo daga. Fulltrúi varnarmálaráðuneytis Aserbaísjan staðfesti þetta í morgun.

Hann sagði að um eitt hundrað armenskir hermenn hefðu verið vegnir, en ráðamenn í Armeníu vísa því á bug og segja ekkert mannfall hafa orðið í liði sínu.

Mikil spenna hefur verið í samskiptum þessara fyrrverandi Sovétlýðvelda, en á fyrri hluta tíunda áratugarins blossaði upp stríð milli þeirra þegar armenskir aðskilnaðarsinnar lögðu undir sig Nagornó-Karabak, hérað sem tilheyrði Aserbaísjan. Allt að 30.000 manns féllu í þeim átökum.

Talsmaður Rússlandsstjórnar hvatti í morgun ríkin tvö til þess að halda að sér höndum, en Rússar, Frakkar og Bandaríkjamenn hafa í aldarfjórðung reynt að miðla miðla málum í deilum ríkjanna.

Kristján Róbert Kristjánsson
Fréttastofa RÚV