Þriðja Íslandsmet Vigdísar í sumar

Mynd með færslu
 Mynd: FRÍ

Þriðja Íslandsmet Vigdísar í sumar

09.07.2020 - 20:40
Sleggjukastarinn Vigdís Jónsdóttir úr FH bætti eigið Íslandsmet í sleggjukasti á móti sem fram fór í Kaplakrika í dag. Vigdís kastaði sleggjunni 62,69 metra og bætti eigið Íslandsmet um 11 cm.

 

Fyrra metið var um tveggja vikna gamalt en Vigdís átti það sjálf og var hún að bæta Íslandsmetið í þriðja sinn í sumar og í tólfta skiptið í heildina. 

Vigdís verður á meðal keppenda á Meistaramótinu sem fer fram á Þórsvelli 25. og 26. júlí á Þórsvelli á Akureyri.