Þrír af níu í hálfsmánaðarsóttkví

Mynd með færslu
 Mynd: Vilhjálmur Þór Guðmundsson - RÚV
Þrír starfsmenn atvinnuvega- og nýsköpunarráðuneytis þurfa að fara í tveggja vikna sóttkví eftir að annað smit á þremur dögum kom upp í ráðuneytinu í gær. Níu voru í úrvinnslusóttkví á meðan smitið var rakið og nú síðdegis kom í ljós að sex þeirra geta snúið aftur til vinnu en þrír fara í sóttkví. Eiginmaður menntamálaráðherra greindist með smit í gær. Hann starfar í atvinnuvega- og nýsköpunarráðuneytinu á sömu hæð og starfsmaðurinn sem greindist með smit á föstudag.

Lilja Alfreðsdóttir menntamálaráðherra greindi frá því á Facebook-síðu sinni í gær að hún hefði farið í veirupróf og fengið neikvæða niðurstöðu en að hún væri í sóttkví næstu tvær vikurnar.

kristins's picture
Kristín Sigurðardóttir
Fréttastofa RÚV
Síðast:
Þessi þáttur er í hlaðvarpi