Þrír í haldi lögreglu eftir líkamsárás

Mynd með færslu
 Mynd: Birgir Þór Harðarson
Rétt fyrir klukkan hálf tólf í gærkvöld fékk lögreglan á höfuðborgarsvæðinu tilkynningu um líkamsárás. Þrír menn voru handteknir á vettvangi og fluttir í fangageymslu vegna rannsóknar málsins, en fórnarlambið var flutt með sjúkrabíl á bráðadeild. Ekki er vitað um ástand þess, að því er fram kemur í dagbók lögreglu.

Stuttu eftir tilkynninguna um árásina fékk lögreglan boð um mann sem ógnaði starfsfólki með hníf í verslun í miðborginni. Tilkynnt var að manninum væri haldið í versluninni. Lögreglan handtók hann og flutti í fangageymslu.

Þá voru tveir sautján ára ökumenn teknir fyrir of hraðan akstur á Reykjanesbraut. Annar var á 120 kílómetra hraða og hinn á 113 þar sem leyfilegur hámarkshraði er 80. Málin voru tilkynnt foreldrum og Barnavernd.

Einnig voru unnið eignaspjöll á skóla í Breiðholti þar sem búið var að brjóta þrjár rúður.

andriyv's picture
Andri Yrkill Valsson
Fréttastofa RÚV
Síðast:
Þessi þáttur er í hlaðvarpi