Framsóknarflokkurinn

Póstkosning Framsóknarflokksins í Norðvesturkjördæmi hófst í gær. Þar verður kosið um fimm efstu sæti á lista flokksins í komandi alþingiskosningum.

Menntamálaráðuneytið hefur á tveggja og hálfs árs starfstíma Lilju Alfreðsdóttur greitt Einari Huga Bjarnasyni fimmtán og hálfa milljón fyrir lögfræðiráðgjöf og nefndarsetu á vegum ráðuneytisins. Einar Hugi fékk eina komma sjö milljónir fyrir að gegna formennsku í hæfnisnefnd um umsækjendur um stöðu ráðuneytisstjóra menntamálaráðuneytisins og rúmar fimm milljónir fyrir aðkomu sína að smíði frumvarps um styrki til fjölmiðla.

Silja Dögg Gunnarsdóttir, þingmaður Framsóknarflokks, gagnrýnir fyrrverandi formann sinn, Sigmund Davíð Gunnlaugsson, harðlega í færslu á Facebook í dag. Færslan ber yfirskriftina „Riddarinn hugdjarfi” og snýr að ræðu Sigmundar Davíðs á flokksráðsfundi Miðflokksins á Akureyri um helgina þar sem hann sagði ríkisstjórnina verklausa og kjarklitla og sakaði hana um aumingjaskap.

Meirihluti Framsóknarflokks, L-lista og Samfylkingar í nýrri bæjarstjórn Akureyrar kynna og undirrita málefnasamning sinn í dag. Dagvistunarmál verða ofarlega á baugi í samningnum.

Meirihlutinn í bæjarstjórn Akureyrar hefur ekki ákveðið hvort ráðið verði í starf bæjarstjóra án auglýsingar. Vinna við málefnasamning er á lokametrunum og verður hann kynntur flokkunum í þessari viku. Formaður bæjarráðs Akureyrar segir áherslu lagða á málefni barna, unglinga og aldraðra.

Sjö flokkar fá fulltrúa í borgarstjórn reynist niðurstöður sköðanakönnunar Fréttablaðsins og frettabladid.is réttar. Meirihluti Samfylkingar, Vinstri grænna og Pírata heldur velli samkvæmt könnuninni.

Sjálfstæðisflokkurinn mælist með mest fylgi á Akureyri samkvæmt nýrri könnun, tæp 29%. Hann fengi fjóra bæjarfulltrúa og bætir við sig einum. Framsóknarflokkur tapar einum bæjarfulltrúa og Miðflokkurinn næði inn manni.

Framsóknarflokkurinn í Reykjavík vill halda flugvellinum í Vatnsmýri, hafa frítt í Strætó og hækka laun kennara um hundrað þúsund krónur á mánuði.

Lilja Alfreðsdóttir, mennta- og menningarmálaráðherra, vill afnema hina svokölluðu 25 ára reglu, sem færir fólk 25 ára og eldra næst-aftast í forgangsröð umsækjenda um framhaldsskólanám. Þetta kemur fram í aðsendri grein ráðherrans, sem birtist í Fréttablaðinu í dag. Þar segir Lilja að þegar reglan var sett, árið 2012, hafi margir túlkað hana sem svo „að framhaldsskólar landsins [væru] lokaðir fólki eldra en 25 ára sem hefur áhuga á bóknámi.“

Jón Björn Hákonarson, ritari Framsóknarflokksins, segist gera ráð fyrir því að átökin sem staðið hafa innan Framsóknarflokksins síðustu ár séu að baki. Þetta hafi hann fundið á miðstjórnarfundi flokksins í haust og aftur á flokksþingi um helgina.

Það er brýn þörf að ráðast í framkvæmdir í vegakerfinu segir Sigurður Ingi Jóhannsson, formaður Framsóknarflokksins. Hann segir að vegirnir séu vægast sagt illa hverjir og margir hverjir ónýtir. Flokksþing Framsóknarflokksins hófst í dag.

Framboðslisti Framsóknarflokksins í Reykjanesbæ fyrir sveitarstjórnarkosningar í vor var samþykktur á félagsfundi í gær. Listann skipa 11 karlar og 11 konur. Frambjóðendur eru eftirfarandi: