Fjölmiðlar

Meirihluti kæra til úrskurðarnefndar frá körlum
Karlar voru mikill meirihluti þeirra sem kærðu mál til úrskurðarnefndar um upplýsingamál í fyrra. Kærur frá einstaklingum voru alls 116 og allar nema sex frá körlum.
11.06.2020 - 07:15
Sakar Kína og Rússland um að dreifa falsfréttum
Framkvæmdastjórn Evrópusambandsins sakar kínversk og rússnesk stjórnvöld um að dreifa falsfréttum um Covid-19 faraldurinn.
10.06.2020 - 16:55
Vill að Bjarni svari fyrir afstöðu ráðuneytisins
Bjarni Benediktsson, fjármála og efnahagsráðherra, verður beðinn um að svara fyrir afstöðu ráðuneytisins fyrir stjórnskipunar og eftirlitsnefnd. Sérfræðingur ráðuneytisins lagðist gegn ráðningu Þorvaldar Gylfasonar í stöðu fræðitímaritsins Nordic Economic Policy Review.
10.06.2020 - 09:35
Þorvaldur þótti of pólitískur til að ritstýra fræðiriti
Sérfærðingur í fjármála og efnahagsráðuneytinu mælti gegn því að Þorvaldur Gylfason, prófessor við Háskóla Íslands yrði ráðinn sem ritstjóri fræða­tíma­rits­ins Nor­dic Economic Policy Revi­ew. Ástæðan var sögð pólitísk afskipti Þorvaldar og þátttaka hans í stjórnmálum.
09.06.2020 - 16:20
Einn ritstjóra NYT hættir vegna gagnrýni samstarfsmanna
Einn af ritstjórum bandaríska dagblaðsins New York Times sagði upp störfum í gærkvöld eftir harða gagnrýni samstarfsmanna sinna.
08.06.2020 - 13:37
Birtingur segir upp fjórtán manns
Útgáfufélagið Birtíngur, sem gefur meðal annars út fríblaðið Mannlíf, sagði í dag upp fjórtán starfsmönnum. Um leið var tilkynnt um skipulagsbreytingar. Uppsagnir ná þvert á deildir fyrirtækisins.
28.05.2020 - 23:03
Síðdegisútvarpið
Kenna fólki að koma auga á falsfréttir
Falsfréttir er hugtak sem hefur verið áberandi í umræðunni að undanförnu. Það vísar til frétta sem geyma misvísandi eða hreinlega rangar upplýsingar. Stoppa, hugsa, athuga, er nýtt átak Fjölmiðlanefndar sem er ætlað að fræða almenning um leiðir til þess að greina falsfréttir frá öðrum.
28.05.2020 - 14:01
Hætta með prentútgáfu yfir 100 dagblaða
Ástralska fjölmiðlasamsteypan News Corp Australia tilkynnti í dag að prentútgáfu yfir 100 héraðsdagblaða verði hætt og blöðin færð á netið. Samhliða verður umtalsverðum fjölda starfsmanna, sem m.a. starfa í prentsmiðjum fjölmiðlasamsteypunnar sagt upp.
28.05.2020 - 10:42
Stuðningsmenn Bolsonaros fæla fjölmiðla frá
Tveir af stærri fjölmiðlum Brasilíu tilkynntu í gær að þeir ætli að hætta að greina frá óformlegum blaðamannafundum forsetans Jair Bolsonaro fyrir utan forsetahöllina. Áreitni af hálfu stuðningsmanna forsetans og skortur á öryggisgæslu eru helstu ástæður þess að fjölmiðlasamsteypan Globo og dagblaðið Folha de Sao eru hættar að mæta á fundina.
26.05.2020 - 06:50
„Óbætanlegur missir“ af völdum COVID-19 í Bandaríkjunum
New York Times birtir á forsíðu sinni í dag nöfn eitt þúsund fórnarlamba COVID-19 í Bandaríkjunum. Það eru um eitt prósent þeirra sem eru látnir af völdum sjúkdómsins í landinu. Við hlið nafnanna eru birt aldur, heimili og örstutt ágrip um þau látnu.
23.05.2020 - 23:43
Bæjarblöð í ólgusjó vegna dreifingar og veiru
Breytingar á dreifingu fjölpósts hjá Póstinum, sem tóku gildi um mánaðamótin, mælast misvel fyrir hjá aðstandendum bæjarblaða. Miðlarnir hafa sumir hverjir leitað nýrra lausna við útgáfu til að bregðast við tekjufalli vegna kórónuveirunnar með góðum árangri.
22.05.2020 - 13:42
Katrín við TIME: „Mikilvægt að setja egóið til hliðar“
„Það sem við getum lært af þessu er að það er mikilvægt fyrir stjórnmálamenn að setja egóið til hliðar og hlusta á þá vísindamenn sem takast nú á við erfiðleika sem enginn bjóst við.“ Þetta segir Katrín Jakobsdóttir í viðtali við Katie Couric, fréttamann bandaríska tímaritsins TIME.
22.05.2020 - 12:44
Blaðamaður myrtur í Mexíkó
Mexíkóski blaðamaðurinn Jorge Armenta var myrtur á laugardag í borginni Ciudad Obregon í norðurhluta Mexíkó. Samkvæmt mexíkóskum yfirvöldum er hann þriðji blaðamaðurinn sem er myrtur þar á þessu ári.
17.05.2020 - 03:34
Félag Björgólfs Thors var eini lánveitandi DV
Novator, félag í eigu Björgólfs Thors Björgólfssonar, var eini lánveitandi Frjálsrar fjölmiðlunar sem og helsti bakhjarl fjölmiðilsins. Þetta kemur fram í úrskurði Samkeppniseftirlitsins um samruna félagsins og Torgs. Frjáls fjölmiðlun gaf út DV en Torg er útgefandi Fréttablaðsins.
15.05.2020 - 07:17
Twitter merkir misvísandi færslur um COVID-19
Stjórnendur samfélagsmiðilsins Twitter ætla í nánustu framtíð að merkja og vara við færslum sem innihalda misvísandi eða rangar upplýsingar um COVID-19. Þetta kom fram í tilkynningu frá Twitter í gær.
12.05.2020 - 01:20
Myndskeið
Blaðaljósmyndarar verðlaunaðir
Ljósmyndarinn Golli, sem heitir fullu nafni Kjartan Þorbjörnsson, hlaut í dag viðurkenningu Blaðaljósmyndarafélags Íslands fyrir mynd ársins 2019. Veitt voru verðlaun í sjö flokkum til viðbótar á þessari árlegu uppskeruhátíð blaðaljósmyndara.
09.05.2020 - 16:43
Lokað á útsendingar stærstu fjölmiðlasamsteypunnar
Filippeysku ljósvakasamsteypunni ABS-CBN, sem nýtur hvað mestrar hylli í landinu, var gert að hætta útsendingum í gær. Útsendingaleyfi samsteypunnar rann út á mánudag, og skipuðu yfirvöld henni að hætta útsendingum í gær. Forsetinn Rodrigo Duterte hefur ítrekað verið gagnrýndur á stöðvum hennar, meðal annars fyrir að þagga niður í fjölmiðlum.
06.05.2020 - 06:41
Myndskeið
Upplýsingafundirnir með metáhorf
Þrír af hverjum fjórum Íslendingum hafa horft á einhvern af upplýsingafundum Almannavarna í beinni útsendingu í sjónvarpinu. Síðasti daglegi fundurinn var í dag en þeir halda þó áfram.
04.05.2020 - 22:40
864 milljónir í kostun á fimm árum
RÚV fékk 864 milljónir króna frá fyrirtækjum vegna kostunar þeirra á dagskrárliðum árin 2015 til 2019. Hæstar urðu greiðslurnar árið 2015, 210 milljónir, en lægstar í fyrra, 121 milljón. Langstærstur hluti kostunarinnar er tilkominn í tengslum við íþróttaefni, stórviðburði og leikið íslenskt efni.
29.04.2020 - 11:25
Krefjast endurgreiðslu verði enska deildin flautuð af
Síminn mun krefjast þess að fá endurgreiddan hluta sýningarréttarins af ensku úrvalsdeildinni í knattspyrnu fari svo að deildinni verði aflýst vegna kórónuveirufaraldursins. Þetta segir forstjóri Símans. Yfirmaður íþróttadeildar Sýnar segir þá í sömu hugleiðingum varðandi íþróttaefnið sitt.
28.04.2020 - 19:59
Fréttablaðið fækkar útgáfudögum til hagræðingar
Fréttablaðið kemur ekki út á mánudögum frá og með næstu mánaðamótum. Þetta er gert vegna hagræðingar í rekstri Torgs, sem gefur út Fréttablaðið. Það kemur þá út fimm daga vikunnar, frá þriðjudögum til og með laugardögum.
24.04.2020 - 10:53
Blaðamaður sem hvarf í Wuhan kominn í leitirnar
Kínverskur blaðamaður sem hvarf fyrir tveimur mánuðum eftir að hafa gagnrýnt kínversk stjórnvöld fyrir að fela umfang Covid19-farsóttarinnar í Wuhan er kominn í leitirnar. Hann segist hafa verið í haldi lögreglunnar en hrósar henni fyrir umhyggju og góða meðferð.
23.04.2020 - 11:59
Falsfréttir verða refsiverðar í Alsír
Alsírskir þingmenn samþykktu að gera fréttaflutning falskra frétta sem taldar eru stefna öryggi almennings og ríkisins í hættu refsiverðan. Lögin voru lögð fyrir þingið í morgun, og umræðum og atkvæðagreiðslu um þau lauk fyrir hádegi, hefur AFP fréttastofan eftir ríkisfréttastofu Alsírs. Á sama fundi voru samþykkt lög um refsingar fyrir mismunun og hatursorðræðu. 
23.04.2020 - 01:37
Furðaði sig á skipan nefndar um upplýsingaóreiðu
Sigmundur Davíð Gunnlaugsson, formaður Miðflokksins, furðaði sig á stofnun vinnuhóps sem ætlað er að kortleggja birtingarmyndir og umfang upplýsingaóreiðu vegna COVID-19. Katrín Jakobsdóttir forsætisráðherra segir að það sé ábyrgðarhluti að kortleggja hvernig upplýsingum er komið á framfæri.
22.04.2020 - 11:18
Segja næsta áratug skipta sköpum fyrir fjölmiðlafrelsi
Ísland hefur fallið um eitt sæti á lista samtakanna Blaðamenn án landamæra yfir fjölmiðlafrelsi. Samtökin segja að næsti áratugur skipti sköpum um framtíð fjölmiðlafrelsis í heiminum. Noregur, Finnland, Danmörk og Svíþjóð skipa fjögur efstu sætin á listanum yfir fjölmiðlafrelsi. Holland, Jamaíka og Kosta Ríka koma næst. Ísland er í fimmtánda sæti, lækkar um eitt sæti og einkunnin versnar milli ára.
21.04.2020 - 10:56