Fjármálakreppa

Óbreyttir stýrivextir í Bretlandi
Seðlabanki Bretlands, Englandsbanki, tilkynnti í dag um óbreytta stýrivexti, 0,1 prósent, hina lægstu í sögu stofnunarinnar. Jafnframt var hagvaxtarspá bankans lækkuð úr 7,25 prósentum í 5 prósent á þessu ári.
04.02.2021 - 12:48
Aldrei fleiri hópuppsagnir tilkynntar á einu ári
Þrjár tilkynningar um hópuppsagnir bárust Vinnumálastofnun í desember, þar sem 137 starfsmönnum var sagt upp störfum. Á árinu 2020 barst Vinnumálastofnun alls 141 tilkynning um hópuppsagnir, þar sem 8.789 manns var sagt upp störfum. Þetta er mesti fjöldi hópuppsagna sem tilkynntur hefur verið til Vinnumálastofnunar á einu ári.
30 milljarða gjaldþrot hjá gömlu félagi Björgólfs
Skiptum er lokið í Gretti eignarhaldsfélagi, rúmum ellefu árum eftir að það var tekið til gjaldþrotaskipta. Engar eignir fundust í búinu en lýstar kröfur námu rúmum 30 milljörðum.
23.12.2020 - 09:26
COVID kreppa bitnar mest á láglaunafólki
Láglaunanfólk tekur versta skellinn í kreppunni sem nú gengur yfir og grípa verður til sértækra aðgerða til að koma í veg fyrir að ójöfnuður aukist, segir framkvæmdastjóri ASÍ.
Fjármagn rennur til fjölmiðlafyrirtækja
Tvö af stærstu fjölmiðlafyrirtækjum landsins hafa síðustu daga fengið viðbótarfjármagn, hvort úr sinni áttinni. Ríkisútvarpið fær meira á fjárlögum en til stóð og aðaleigandi Fréttablaðsins, DV og Hringbrautar fjárfesti fyrir hundruð milljóna.
12.12.2020 - 12:22
Spegillinn
Kórónukreppa bitnar á ungu fólki
Atvinnuleysi fer vaxandi, í síðasta mánuði var það rétt tæp tíu prósent og ef einnig er tekið tillit til þeirra sem eru í minna starfshlutfalli en áður telur Vinnumálastofnun að í október sé atvinnuleysi rúmlega ellefu prósent. Horfurnar fyrir yfirstandandi mánuð eru ekki góðar. Um 40% þeirra sem eru án atvinnu eru undir 35 ára aldri eða um tíu þúsund manns. Viðvarandi atvinnuleysi ungs fólks getur haft langvinn neikvæð áhrif á líf þess, starfsmöguleika og tekjur.
Spegillinn
Norwegian færist framar á brúninni
Norska ríkisstjórnin er hætt frekari stuðningi við flugfélagið Norwegian. Við þessi tíðindi urðu hlutabréf í félaginu nær verðlaus og það færðist nær gjaldþroti. Hrun hefur orðið í starfssemi Norwegian eftir að heimsfaraldurinn vegna kórónuveirunnar skall á í vor.
10.11.2020 - 09:09
Hagvaxtarspá ESB fyrir 2021 lækkuð
Afleiðingar annarrar bylgju COVID-19 faraldursins í ríkjum Evrópusambandsins draga úr líkum þess að hagvöxtur á næsta ári verði 6,1 prósent eins og spáð hafði verið. Valdis Dombrovskis, varaforseti framkvæmdastjórnar ESB, greindi frá þessu í yfirlýsingu sem birt var í dag.
05.11.2020 - 11:56
Tekist á um fjármálastefnu á Alþingi
Þingmenn stjórnarandstöðunnar gagnrýndu meðal annars forsendur fjármálastefnu ríkisstjórnarinnar á Alþingi síðdegis. Fjármálaráðherra segir að hægt sé að ná fram miklum umbótum í ríkisrekstrinum.
27.08.2020 - 16:27
Georgieva óttast nýja heimskreppu
Ójöfnuður og óstöðugleiki á fjármálamörkuðum auka hættuna á djúpri kreppu á borð við þá sem varð á millistríðsárunum á síðustu öld. Svo sagði Kristalina Georgieva, formaður Alþjóðagjaldeyrissjóðsins, í ræðu sem hún hélt í Peterson-stofnuninni í alþjóðahagfræði í Washington í gær.
Þegar Davíð tók fyrsta Big Mac bitann
Á föstudag eru 10 ár liðin frá því að McDonald’s lagði upp laupana á Íslandi. Brotthvarf keðjunnar varð að eins konar táknmynd efnahagshrunsins en á sama hátt markaði innreið skyndibitarisans á íslenskan markað árið 1993 kaflaskil í sögu þjóðarinnar.
30.10.2019 - 09:24
Það sem við vitum ekki 10 árum eftir hrun
Haustið 2008. Stóru viðskiptabankarnir þrír fallnir. Allra spjót beinast að stjórnendum þeirra, sem fram að hruni höfðu þegið ofurlaun og bónusa fyrir störf sín. Þetta voru eignamenn sem ferðuðust um í einkaþotum, pöntuðu heimsfræga poppara í afmælin sín, áttu snekkjur, lúxusvillur og lúxusbíla.
Viðtal
Veruleikinn tók fram úr ímyndunarafli höfunda
Á undanförnum áratug hefur komið út fjöldi verka sem hefur tekist á við bóluárin og hrun bankakerfisins með skáldskapinn að vopni. Á næsta ári kemur út hjá bandarísku bókaútgáfunni Punctum bókin Útrásarvíkingar: The Literature of the Icelandic Financial Crisis 2008 - 2014 þar sem Alaric Hall rýnir í bókmenntir íslenska fjármálahrunsins.
08.10.2018 - 16:07
„Þetta voru gífurlega erfiðir dagar“
Fyrir tíu árum féllu íslensku bankarnir einn af öðrum á nokkrum dögum eins og dómínókubbar. Íslenska ríkið tók yfir rekstur bankanna en enginn sá fyrir hverjar afleiðingarnar yrðu fyrir íslenskt samfélag og sjálfsmynd landsmanna. Í ör-útvarpsþáttunum Nokkrir dagar í frjálsu falli á Rás 1 verða atburðirnir rifjaðir upp. Hér má hlusta á fyrsta þáttinn.
29.09.2018 - 09:00
Leiðtogalaus heimur stefnir í verri kreppu
Heiminn vantar leiðtoga til að koma í veg fyrir svipað, eða jafnvel verra, fjármálahrun og árið 2008. Engar lausnir hafa verið fundnar á orsökum hrunsins fyrir áratug. Þetta segir Gordon Brown, fyrrverandi forsætisráðherra Bretlands, í viðtali við breska dagblaðið Guardian.
13.09.2018 - 01:23
Bandarískir bankar standast heimskreppu
Stærstu bankar og fjármálafyrirtæki Bandaríkjanna standa traustum fótum og ættu að þola djúpa alþjóðlega efnahagskreppu. Þetta er niðurstaða álagsprófa sem Seðlabanki Bandaríkjanna stóð fyrir en niðurstöður þeirra voru kynntar í dag.
21.06.2018 - 21:04
Grikkir skera enn niður í velferðarkerfinu
Gríska þingið samþykkti í kvöld enn frekari aðhaldsaðgerðir í ríkisfjármálum til að uppfylla skilyrði lánardrottna gríska ríkisins fyrir framlengingu lána og niðurfellingu hluta þeirra. Til að mæta kröfum Alþjóðagjaldeyrissjóðsins og Evrópusambandsins lagði ríkisstjórnin fram lagabreytingar sem fela í sér milljarða niðurskurð í velferðarkerfinu.
19.05.2017 - 01:27
Deutsche Bank vill ekki rifja upp CLN söguna
Kaupþing og Deutsche Bank hafa samið um kröfu Kaupþings upp á 500 milljónir evra sem tengist svokölluðu CLN máli. Þýski bankinn er ófús að upplýsa um viðskiptin þarna að baki og vildi ekki svara spurningum Spegilsins um málið.
07.03.2017 - 16:55
Grikkir komnir með nóg af Syriza
Eftir sjö ára aðhaldsaðgerðir hafa Grikkir misst trúna á stjórnvöld sem boðuðu endurreisn. Óróa er spáð í grískum stjórnmálum en það er ólíklegt að nokkur flokkur nái meirihluta í næstu kosningum.
28.02.2017 - 22:16
23 aflandsfélög skráð eftir hrun
Umfangsmikil aflandsvæðing fyrirhrunsáranna kom mörgum í opna skjöldu þegar Panamaskjölin voru afhjúpuð. Það er þó misskilningur ef einhver heldur að aflandsbraski Íslendinga hafi lokið með fjármálahruninu haustið 2008.
31.01.2017 - 20:14
Seðlabankinn seldi hlut sinn í Kaupþingi
Seðlabankinn hefur selt allan eignarhlut sinn og allar kröfur sem hann átti í eignarhaldsfélaginu Kaupþingi. DV greinir frá þessu. Í fréttinni kemur fram að Seðlabankinn átti um 6 prósenta hlut í Kaupþingi um síðustu mánaðarmót. Samkvæmt heimildum blaðsins keypti bandaríski vogunarsjóðurinn Taconic Capital megnið af hlut Seðlabankans, en sjóðurinn mun vera langstærsti einstaki eigandi Kaupþings, með á bilinu 33 - 40% eignarhlut. Verðmætasta eign Kaupþings er síðan 87% hlutur í Arionbanka.
08.11.2016 - 05:54
Grikkland: Tsipras stokkar upp stjórnina
Alexis Tsipras, forsætisráðherra Grikklands, kynnti í gær miklar breytingar á ráðuneyti sínu í viðleitni til að skapa stjórninni aukið svigrúm til að mæta kröfum lánardrottna um leið og hann reynir að lægja óánægjuöldur meðal kjósenda. Nokkrir ráðherrar sem hafa verið Tsipras óþægur ljár í þúfu og ítrekað staðið gegn laga- og reglubreytingum sem gera átti að kröfu lándardrottna fá að taka pokann sinn. Nýja stjórnin tekur að líkindum formlega við völdum í dag, laugardag.
05.11.2016 - 07:20
Fall Deutsche Bank ylli verri kreppu en 2008
Ef Deutsche Bank verður gjaldþrota verða afleiðingarnar líklega enn alvarlegri en þegar bandaríski bankinn Lehman Brothers féll í september 2008. Þetta segir Stefan Wendt lektor í fjármálum við Háskólann í Reykjavík. Deutsche Bank er á heljarþröm en Stefan Wendt telur að þrátt fyrir yfirlýsingar þýskra stjórnmálamanna um annað muni þýska ríkið ekki láta hann falla. Til þess sé hann einfaldlega of stór.
04.10.2016 - 16:00
Vigdís biður Ögmund formlega um rannsókn
Vigdís Hauksdóttir formaður fjárlaganefndar hefur sent stjórnskipunar - og eftirlitsnefnd Alþingis skýrslu sína „um einkavæðingu bankanna hina síðari“. Hún óskar eftir því í bréfi til Ögmundar Jónassonar formanns nefndarinnar að stjórnskipunar- og eftirlitsnefnd leggi fyrir Alþingi þingsályktunartillögu um að skipuð verði rannsóknarnefnd til að rannsaka seinni einkavæðingu bankanna.
23.09.2016 - 11:15
Krefja Deutsche Bank um háar bætur
Hlutabréf í þýska bankanum Deutsche Bank féllu um átta prósent við upphaf viðskipta í kauphöllinni í Frankfurt í dag. Ástæðan er sú að stjórnvöld í Bandaríkjunum krefjast þess að bankinn greiði fjórtán milljarða dollara í sekt fyrir þátt hans í efnahagskreppunni sem skall á árið 2008. Upphæðin er jafnvirði rúmlega sextán hundruð milljarða króna.
16.09.2016 - 08:44