Ítarleg umfjöllun um það sem er efst á baugi í fréttum og mannlífi. Farið er ofan í kjölinn á stærstu fréttamálum dagsins með viðmælendum um land allt. Umsjónarmenn eru Einar Þorsteinsson og Jóhanna Vigdís Hjaltadóttir. e.

Fjallað er á snarpan og líflegan hátt um það sem efst er á baugi hverju sinni í menningar- og listalífinu, jafnt með innslögum, fréttaskýringum, gagnrýni, pistlum og umræðu. Umsjón: Bergsteinn Sigurðsson og Guðrún Sóley Gestsdóttir. e.

Stjórnmál, menning og mannlíf í beinni útsendingu með Gísla Marteini. Vikan gerð upp á jákvæðum og uppbyggilegum nótum og persónur og leikendur teknir tali. Dagskrárgerð: Egill Eðvarðsson. e.

Í þessum heimildaþætti ferðast Guðlaug María Sveinbjörnsdóttir til Malaví í Afríku til þess að vinna lokaverkefni sitt í klínískri barnasálfræði. Þar skoðar hún hvort börn sem hafa fengið heilahimnubólgu af völdum Malaríu sýni hegðunarbreytingar í kjölfar sýkingarinnar sem geta lýst sér sem ADHD einkenni. Leikstjóri: Birkir Eyþór Ásgeirsson. e

Hefur einhver raunverulegan áhuga á bóknámi? Hvers vegna fara svo margir nemendur í viðskiptafræði og lögfræði? Er þetta ekki drepleiðinlegt?

Heimildarþáttaröð sem fjallar um samtímamyndlist á Íslandi. Í þættinum kynnumst við listamönnunum Hildi Bjarnadóttur og Helga Þórssyni en miðill þeirra beggja er málverk. Hildur rannsakar uppruna litarins og Helgi notar hann til að skapa skynræn áhrif. Dagskrárgerð: Dorothee Kirch, Gaukur Úlfarsson og Markús Þór Andrésson.

Gísli Marteinn Baldursson ræðir við Margréti Kristínu Blöndal (Möggu Stínu) sem sýnir honum staðinn sem skiptir hana mestu máli í lífinu.

Tónlistarþáttur frá 1987 þar sem fjallað er um innlend og erlend dægurlög. Umsjón: Ævar Örn Jósepsson og Gísli Snær Erlingsson. Dagskrárgerð: Friðrik Þór Friðriksson.

Heimildarþáttaröð í fjórum hlutum frá BBC þar sem breska leikkonan Joanna Lumley ferðast eftir verslunarleiðum Silkileiðarinnar frá Feneyjum að landamærum Kína. e.

Norskir þættir þar sem sex þátttakendur keppast um að taka bestu myndirnar á farsímana sína. Þeir fá nýjar áskoranir í hverjum þætti og áhorfendur fá ýmis ráð sem þeir geta sjálfir nýtt sér þegar þeir taka myndir á símana sína. e.

Ida er ung norsk kona sem ákveður að taka tilveruna föstum tökum og einsetur sér að bæta sig á flestum sviðum daglegs lífs. Í þessum þætti fær Ida góð ráð frá stílista og heimsókn til lýtalæknis á eftir að hafa meiri áhrif en hún bjóst við.

Víkingur Heiðar Ólafsson og Halla Oddný Magnúsdóttir leiða áhorfendur í tali og tónum um töfraheima sígildrar tónlistar. Þau spjalla á léttu nótunum um tónlist frá ýmsum tímum auk þess sem Víkingur leikur verk af nýlegum hljómplötum sínum á sviði Eldborgar í Hörpu. e.

Sigmar ræðir við Kristínu Jónsdóttur sem hefur verið sérstaklega áberandi í fréttum undanfarnar vikur, enda er starf hennar þess eðlis að fólk þyrstir í svör þegar náttúruöflin taka yfir. Kristín segist ekki hafa verið neinn afburða námsmaður þrátt fyrir að vera doktor í jarðeðlisfræði enda snýst vísindastarf líka um hæfni í mannlegum samskiptum og að geta hugsað út fyrir boxið. Hún hefur áhyggjur af því að síður er tekið mark á konum en körlum í vísindum og að allt of fá tækifæri séu á Íslandi fyrir vel menntað raunvísindafólk.

Þau elska mæður sínar, en þeim liggur ýmislegt á hjarta sem þau hafa ekki haft orð á fyrr en nú. Norskir þættir frá NRK þar sem fólk ræðir við mæður sínar og fær svör við stórum spurningum. e.

Kanadískir þættir um einkaspæjarann Frankie Drake að störfum á stofu sinni Drake Private Detectives í Toronto á þriðja áratugnum. Aðalhlutverk: Lauren Lee Smith, Chantel Riley og Rebecca Liddiard. e.

Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna. e.

Vinalegi hundurinn Sámur hvetur börn til þess að kanna umhverfi sitt og takast á við verkefni í sameiningu.

Ævintýralegir þættir um músafjölskyldu sem býr á lítilli plánetu. e.

Hressir þættir um Söru sem er sjö ára og bestu vinkonu hennar sem er önd. Saman lenda þær í ýmsum ævintýrum og læra nýja hluti. e.

Krakkafréttir dagsins: 1. 10 ára strákur gekk fyrir fyrir gott málefni 2. Erna Sóley sló Íslandsmet í kúluvarpi 3. 100 ára píanóleikari í Japan. Umsjón: Mikael Emil Kaaber

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Ítarleg umfjöllun um það sem er efst á baugi í fréttum og mannlífi. Farið er ofan í kjölinn á stærstu fréttamálum dagsins með viðmælendum um land allt. Umsjónarmenn eru Einar Þorsteinsson og Jóhanna Vigdís Hjaltadóttir.

Fjallað er á snarpan og líflegan hátt um það sem efst er á baugi hverju sinni í menningar- og listalífinu, jafnt með innslögum, fréttaskýringum, gagnrýni, pistlum og umræðu. Umsjón: Bergsteinn Sigurðsson og Guðrún Sóley Gestsdóttir.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Einar Rafnsson.

Hvernig hugsa helstu listamenn og hugsuðir Svíþjóðar og hvaðan sækja þau sér innblástur og hvatningu? Í þessum þáttum er rætt við sænska meistara um sköpunarferlið, ákvarðanatöku og það hvernig mistök geta leitt til nýrra sigra.

Spennuþættir um leiðangur Breta um Norður-Íshaf á 19. öld. Konunglegi breski sjóherinn sendi HMS Erebus og HMS Terror af stað norðvesturleiðina frá Atlantshafi til Kyrrahafs meðfram norðurströnd Norður-Ameríku. Skipin festust í ísnum, einangruð á hjara veraldar og upphófst þá örvæntingarfull barátta leiðangursmanna við náttúruöfl, ótta og hvern annan. Þættirnir eru byggðir á samnefndri bók eftir Dan Simmons. Framleiðandi: Ridley Scott. Meðal aðalleikara eru Ciarán Hinds, Nive Nielsen, Adam Nagaitis og Trystan Gravelle. Atriði í þáttunum eru ekki við hæfi barna.

Færeysk heimildarmynd í tveimur hlutum um tengsl Samherjamálsins við Færeyjar. Fjallað er um færeysku útgerðina Framherja og fleiri færeysk félög sem eru að hluta til í eigu Samherja. Vísað er í umfjöllun Kveiks um starfsemi Samherja á Kýpur og fram kemur að færeysk fyrirtæki eigi í viðskiptum við félög Samherja þar. Einnig kemur fram að Samherji sé talinn hafa brotið færeysk og namibísk lög með því að skrá íslenska sjómenn á færeysk fraktskip á meðan þeir voru raunverulega við störf á fiskiskipum við strendur Namibíu. Framleiðsla: Kringvarp Föroya.

Heimildarmynd sem veitir innsýn í hvernig það er að vera transmanneskja í Finnlandi. Við hittum parið Emil og Oliviu sem langar að eignast barn, en hver ræður því hverjir eiga rétt á að verða foreldrar og hvernig þeir fara að því? e.