Gurrý sýnir handtökin við umpottun á stóru pálmatré og heimsækir fagran og nýstárlegan garð garðyrkjufræðinganna Auðar Jónsdóttur og Kristins H. Þorsteinssonar í Grafarvogi.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni. e.

Sumarlandinn verður á flakki í sumar og hittir landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring. Sumarlandinn leitar uppi áhugaverða viðburði og skemmtilegar sögur. Sumarlandinn tekur líka lagið ef vel liggur á honum. Umsjón: Gísli Einarsson, Guðríður Helgadóttir, Hafsteinn Vilhelmsson, Elsa María Guðlaugs-Drífudóttir, Þórgunnur Oddsdóttir, Sigrún Hermannsdóttir og Helga Margrét Höskuldsdóttir. Trúbadorinn og bóndinn Hlynur Snær verður einnig með í för. e.

Ragnhildur Steinunn kynnir okkur fyrir ljósmyndaranum Sögu Sigurðardóttur sem þrátt fyrir ungan aldur hefur tekið tískuljósmyndir fyrir stæstu blöð heims. Saga Sigurðardóttir sem ólst upp á Þingvöllum segir Íslenskt landslag hafa kennt sér að taka myndir þegar hún var aðeins átta ára. Hún lauk nýverið BS prófi í tískuljósmyndun í London og segist staðráðin í að ná sem lengst.

nna Birna Þráinsdóttir lögfræðingur ákvað dag einn að einfalda líf sitt sem fram að því hafði einkennst af mikilli streitu og álagi. Í hönd fór „einföldunin mikla“. Hún settist að undir Steinafjalli í Eyjafjöllum þar sem hún ræktar kál og heldur kindur. Þar líður henni vel enda jörðin sú fegursta á landinu, að hennar sögn. Og Steinafjall er fjallið hennar.

Fróðlegir danskir þættir þar sem þáttastjórnendur rannsaka matinn sem við borðum dags daglega. e.

Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni Sjónvarpsins á nærfellt hálfrar aldar tímabili. Umsjón og dagskrárgerð: Andrés Indriðason. e.

Bein útsending frá keppni á EM í sundi á Ítalíu.

Stutt umfjöllun Sumarlandans sem var á flakki sumarið 2020 og hitti landann fyrir uppi á fjöllum, úti í garði, á tjaldsvæðinu, vinnustaðnum, hjólastígnum og víðar. Umsjónarmenn: Gísli Einarsson, Guðríður Helgadóttir, Hafsteinn Vilhelmsson, Helga Margrét Höskuldsdóttir og fleiri. e.

Sjötta serían af þessum vinsælu hönnunarþáttum.

Tíminn stöðvast á afmælisdegi Emblu og vinaleg geimvera rænir henni og bróður hennar því að hún þarf hjálp þeirra til að koma tímanum aftur í gang. Handrit: Bryndís María Jónsdóttir Leikstjórn : Hekla Egils Aðalhlutverk: Bryndís María Jónsdóttir, Friðrik Bjarni Jónsson, María Carmela Torrini

Leiði er eðlileg tilfinning sem kemur upp hjá öllum annað slagið. En það eru til einföld ráð til að finna gleðina aftur. Júlía og Sölvi kanna málið. Tilfinningalíf er unnið í samstarfi við Sálstofuna.

Íslensk tónlistarmyndbönd alla virka daga fyrir fréttir.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Sænskir þættir um fiskveiðar. Þáttastjórnendurnir Emilie Björkman og Martin Falklind ferðast um Svíþjóð, hitta fiskveiðiáhugamenn, stunda veiðar og gefa góð ráð.

Finnsku sjónvarpskonunni Ellu Kanninen er hér fylgt eftir á ferðalagi um Suður-Ítalíu þar sem hún kynnir sér staðhætti, menningu og nýtur rómaðrar matargerðar.

Stuttir sænskir þættir um ólíkar skoðanir fólks á hinum ýmsu málefnum. Hvað gerist þegar tvær manneskjur hittast og rökræða það sem þær eru ósammála um? Læra þær að skilja hvor aðra betur?

Félagarnir Frank og Casper snúa aftur í níundu þáttaröð dönsku gamanþáttanna Trúður, eða Klovn. Frank er hrakfallabálkur fram í fingurgóma og tekst alltaf að koma sér og vinum sínum í vandræðalegar aðstæður. Aðalhlutverk: Frank Hvam, Casper Christensen og Mia Lyhne. Þættirnir eru ekki við hæfi barna yngri en 12 ára.

Bresk gamanþáttaröð um Peter og Katy sem snúa heim til Englands eftir fyrsta sumarfríið saman í Frakklandi með fullt af góðum minningum og, án þess að vita af því, sýrlenskan flóttamann í bílskottinu. Aðalhlutverk: Rufus Jones, Rebekah Stanton og Youssef Kerkour. Þættirnir eru ekki við hæfi barna yngri en 12 ára.

Veðurfréttir.

Þriðja þáttaröð þessara bresku spennuþátta. Rannsóknarlögreglumennirnir Cassie og Sunny leiða saman hesta sína á ný þegar beinagrind ungrar stúlku, sem hvarf á nýársdag árið 2000, finnst við hraðbraut. Aðalhlutverk: Nicola Walker og Sanjeev Bhaskar. Þættirnir eru ekki við hæfi barna yngri en 12 ára.

Pólskur verkamaður finnst myrtur í höfuðstöðvum virkjunarinnar á heiðinni og Víkingur er handtekinn, grunaður um verknaðinn. Halla Þórisdóttir er enn í bænum og heldur áfram sínum pólitísku vélráðum. En hugsanlega býr eitthvað fleira undir.