Mataræði Íslendinga hefur gjörbreyst. Fyrir nokkrum áratugum borðuðu Íslendingar þjóða mest af fiski, en nú er staðan sú að vegna þess hversu lítil fisk- og mjólkurneysla er, fá t.d. 80% íslenskra kvenna ekki nægilegt magn af joði. Og það er nokkuð sem næringarfræðingar hafa áhyggjur af, því það getur haft áhrif á þroska barna í móðurkviði. Kastljós skoðaði breytingar á mataræði Íslendinga í áranna rás. Umhverfisvænar lausnir og samfélagsleg ábyrgð eru í brennidepli á nýsköpunarvikunni sem stendur nú yfir. Við kynntum okkur hvað er um að vera á hátíðinni í ár en yfir 70 nýsköpunartengdir viðburðir eru á dagskránni víðsvegar um Reykjavík. Vorsýning Myndlistarskólans í Reykjavík var haldin um síðustu helgi en þar sýndu 110 nemendur við skólann verk sín. Við litum við á sýningunni.

24 stærstu sveitarfélög landsins keppa sín á milli í skemmtilegum spurningaleik. Sigmar Guðmundsson og Þóra Arnórsdóttir stýra þættinum. Dómari og spurningahöfundur er Ólafur Bjarni Guðnason. Útsendingu stjórnar Helgi Jóhannesson. e.

Skemmtiþættir frá 1990 þar sem Spaugstofumenn fást við fréttir líðandi stundar. Leikstjóri: Karl Ágúst Úlfsson. Dagskrárgerð: Tage Ammendrup. e.

Heimildarmynd í leikstjórn Benedikts Erlingssonar um sögu fjölleikahúsa og farandskemmtikrafta. Í myndinni gefur að líta einstakar gamlar upptökur og sömdu meðlimir Sigur Rósar nýja tónlist við verkið sem hefur farið sigurför um heiminn. e.

Íslensk heimildarmynd um bólgusjúkdóma í meltingarveginum sem eru langvinnir og flestir sjúklingar þurfa að sætta sig við að sjúkdómurinn er kominn til að vera eftir er ævinnar. Hér útskýra læknar orsakir og einkenni þessara, helstu meðferðarúrræði og sjúklingar segja frá glímu sinni við þá. Dagskrárgerð: Páll Kristinn Pálsson og Aðalgeir Vignir Gestsson. Framleiðandi: Epos kvikmyndagerð. e.

Umsjón: Jón Þórarinsson. Dagskrárgerð: Kristín Björg Þorsteinsdóttir.

Þorir þú að ræða allt við maka þinn? Í þessum norsku þáttum spyrja hugrökk pör hvort annað óvæntra spurninga. e.

Tvíburarnir Dr. Chris og Dr. Xand kynna nokkrar sturlaðar staðreyndir um mannslíkamann og gera skemmtilegar lífræðilegar tilraunir.

Í Nei sko ætlar Sævar Helgi Bragason að fræða okkur um hin ýmsu vísindi í okkar daglega lífi og gera flottar tilraunir - sumar getum við gert heima en aðrar eru aðeins hættulegri. Sævari til halds og trausts í tilraunum dagsins er Vilhjálmur Árni, 12 ára gamall efnafræðiáhugamaður.

Þorri og Þura syngja lag um sig sjálf. Atriðið er úr Þorra og Þuru - vinir í raun.

Í þáttunum Húllumhæ er menning og fjör í forgrunni. Við förum í leikhús, hlustum á tónlist, rýnum í bækur og sjáum hvað unga fólkið í landinu er að fást við. Þáttastjórnendur eru Iðunn Ösp Hlynsdóttir og Árni Beinteinn.

Lag: Hold Me Closer Flytjandi: Cornelia Jakobs

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Hin ríflega aldargamla verslun Brynja var sett á sölu um daginn og óvíssa ríkir um framtíð hennar. Rætt er við Brynjólf H. Björnsson kaupmann á þessum tímamótum. Tvennir kórtónleikar, báðir stórir í sniðum en þó gjörólíkir, verða haldnir í Reykjavík á næstu dögum. Annars vegar verða 35 tónverk Sigurbjörns Þorkelssonar flutt í Laugarneskirkju undir stjórn Braga Þórs Valssonar og hins vegar flytur kvennakórinn Katla fjölbreytt verk í Tjarnarbíói í tilefni af 10 ára afmæli kórsins. Rætt var við kórstjórana þrjá á æfingum. Helgardagskráin reifuð en þar kennir ýmissa grasa.

NÝJASTA TÆKNI Magga Dóra Ragnarsdóttir Steinunn Eldflaug Harðardóttir Guðmundur Jóhannsson VÍSINDI Máni Arnarson Sprengju kata Vísinda Villi

Bresk þáttaröð um dýralæknastofu í Yorkshire á fjórða áratugnum. Þættirnir byggjast á bókum eftir Alf Wight sem skrifaði undir nafninu James Herriot. Aðalhlutverk: Nicholas Ralph, Anna Madeley og Samuel West.

Dönsk spennumynd frá 2018. Þegar þrjú lík finnast í földu rými í íbúðarhúsnæði hefja Carl Mørk og félgar hans í Deild Q hjá dönsku lögreglunni rannsókn á gömlum mannhvarfsmálum, sem áður töldust ótengd. Þetta er fjórða kvikmyndin sem gerð er eftir bókum danska glæpasagnahöfundarins Jussi Adler-Olsen, en þær fyrri eru Konan í búrinu, Veiðimennirnir og Flöskuskeyti frá P. Leikstjóri: Christoffer Boe. Aðalhlutverk: Nikolaj Lie Kaas, Fares Fares og Johanne Louise Schmidt. Atriði í myndinni eru ekki við hæfi barna.

Hinn siðprúði rannsóknarlögreglumaður, Hercule Poirot, tekst á við flókin sakamál af fádæma innsæi. Aðalhlutverk: David Suchet. e.