Átök í Sýrlandi

Hátt í 60 féllu í loftárásum í Sýrlandi
Loftárásir Ísraelshers á hernaðsarlega mikilvæg skotmörk í austurhluta Sýrlands í nótt kostuðu 57 manns lífið. Þetta eru mannskæðustu árásir Ísraelsmanna á landið frá því að borgarastríðið braust þar út, að sögn Sýrlensku mannréttindavaktarinnar.
13.01.2021 - 15:48
Mannfall í loftárásum Ísraelsmanna
Mannfall varð í liði sýrlenska hersins og bandamanna hans í loftárásum Ísraelsmanna á Sýrland í nótt. Þetta eru mannskæðustu árásir Ísraelsmanna á Sýrland síðan 2018.
13.01.2021 - 10:04
Þúsundir flýja árásir á bæinn Ain Issa í Sýrlandi
Minnst 9.500 íbúar sýrlenska bæjarins Ain Issa og nágrennis hafa flúið heimili sín undanfarna daga vegna harðnandi stórskotahríðar og flugskeytaárása Sýrlenska þjóðarhersins svonefnda, vopnaðarar hreyfingar sýrelenskra uppreisnarmanna sem nýtur stuðnings Tyrkja. Ain Issa lýtur aftur á móti yfirráðum hins svonefnda Lýðræðishers Sýrlands, sem er vopnuð hreyfing sýrlenskra Kúrda; andstæðinga Assads Sýrlandsforseta sem jafnframt eru þyrnir í augum Tyrkja.
28.12.2020 - 06:16
Segir Rússa tryggja valdajafnvægi
Rússar veita viðnám gegn vestrænum áhrifum í Austurlöndum nær með herstöðvum sínum í Sýrlandi. Þetta sagði Bashar al-Assad, forseti Sýrlands, í viðtali á Zvezda, sjónvarpsstöð rússneska varnarmálaráðuneytisins, í tilefni þess að fimm ár eru síðan hernaðaríhlutun Rússa hófst í landinu. 
05.10.2020 - 08:36
Heimskviður
Fá börnin í al-Hol að snúa heim til Svíþjóðar?
Í al Hol fangabúðunum í Sýrlandi hafast við um 60 þúsund konur og börn sem tengjast hryðjuverkasamtökunum Íslamska ríkinu. Þar af eru nær 35 þúsund börn undir 12 ára aldri, hverra foreldrar hafa eða höfðu tengsl við samtökin. Ástandið í búðunum er hræðilegt, þar lést 331 barn í fyrra. En hvaða framtíð bíður þessarra barna, sem mörg eru fædd eða eiga ættir að rekja utan Sýrlands? Meðal annars til Norðulandanna.
Funda um breytingar á sýrlensku stjórnarskránni
Fulltrúar Sameinuðu þjóðanna, sýrlenskra stjórnvalda, stjórnarandstæðinga og almennings í Sýrlandi sitja á fundum alla þessa viku og ræða um mögulegar breytingar á stjórnarskrá landsins. Talið er að sátt um ákveðnar breytingar geti orðið mikilvægt skref í átt til friðar í landinu. Þar hefur geisað stríð síðan árið 2011. 380.000 manns hafa fallið, samkvæmt opinberum tölum og yfir 11 milljónir Sýrlendinga hafa neyðst til að leggja á flótta.
24.08.2020 - 16:13
Ekkert fararsnið á Tyrkjum
Tyrkneskt herlið verður áfram í Sýrlandi þangað til búið verður að tryggja þar frið, öryggi og frelsi fyrir þegna landsins. Þetta sagði Recep Tayyip Erdogan, forseti Tyrklands, í dag.
21.07.2020 - 16:01
Rússar höfðu sitt fram: Aðeins ein leið til Sýrlands
Öryggsiráð Sameinuðu þjóðanna samþykkti í dag að heimila flutninga hjálpargagna til Sýrlands í gegnum eina landamærastöð á landamærum þess að Tyrklandi í eitt ár.
Lokað á alla utanaðkomandi mannúðaraðstoð til Sýrlands
Öryggisráði Sameinuðu þjóðanna tókst ekki að ná sátt um tilhögun utanaðkomandi mannúðaraðstoðar til milljóna stríðshrjáðra Sýrlendinga í gærkvöld og því eru alþjóðlegum hjálparsamtökum nú allar leiðir lokaðar inn í Sýrland, þar sem milljónir almennra borgara líða alvarlegan skort á öllum helstu nauðsynjum.
Sýrland
Tillaga Rússa um að takmarka neyðaraðstoð felld
Tillaga Rússa um að draga úr utanaðkomandi mannúðaraðstoð við stríðshrjáða Sýrlendinga var felld í Öryggisráðinu í gærkvöld með atkvæðum sjö ríkja gegn fjórum. Fulltrúar fjögurra ríkja sátu hjá. Á þriðjudag beittu Rússar og Kínverjar neitunarvaldi til að koma í veg fyrir framlengingu samkomulags um mannúðaraðstoð Sameinuðu þjóðanna við nauðstadda Sýrlendinga, í gegnum tvær landamærastöðvar á mörkum Tyrklands og Sýrlands.
Ásakanir um stríðsglæpi í Idlib
Rannsóknarnefnd á vegum Sameinuðu þjóðanna sakar stríðandi fylkingar í Sýrlandi um stríðsglæpi í bardögum undanfarna mánuði. Sprengjum hafi verið varpað á skóla, sjúkrahús, markaði og fólk á flótta frá átakasvæðum.
08.07.2020 - 08:12
Frakkar hafa sótt á þriðja tug barna til Sýrlands
Frönsk stjórnvöld fluttu á dögunum heim til Frakklands tíu börn franskra ríkisborgara sem börðust með hryðjuverkasamtökunum sem kenndu sig við íslamskt ríki í Sýrlandi. Alls er því búið að sækja 28 frönsk í flóttamannabúðir í Sýrlandi síðustu misseri.
22.06.2020 - 09:29
Um eitt prósent mannkyns á flótta
Nærri áttatíu milljónir, um eitt prósent mannkyns, eru á flótta í heiminum, samkvæmt nýrri skýrslu Sameinuðu þjóðanna. Fjöldi þeirra sem hafa neyðst til að flýja heimili sín hefur tvöfaldast síðastliðinn áratug.
Ráðast á Írani á meðan þeir eru í Sýrlandi
Ísraelsher ætlar að halda aðgerðum áfram í Sýrlandi þangað til Íranir koma sér þaðan. Naftali Bennett, varnarmálaráðherra Ísraels, lýsti þessu yfir í gær eftir að árásir Ísraelshers urðu fjórtán vígamönnum sem njóta stuðnings frá Íran að bana. 
06.05.2020 - 06:30
Bílsprengja grandaði minnst 46 í Sýrlandi
Minnst 46 manns týndu lífi og 50 særðust þegar olíuflutningabíll var sprengdur í loft upp í borginni Afrín í norðanverðu Sýrlandi í gær. Langflest hinna látnu og særðu eru óbreyttir borgarar, þar á meðal á annan tug barna. Í hópi fallinna eru líka minnst sex liðsmenn vopnaðra sveita uppreisnarmanna sem hafa bæði tögl og hagldir í Afrínborg með stuðningi Tyrkja.
Réttað yfir hælisleitendum fyrir stríðsglæpi
Tveir Sýrlendingar sem sóttu um pólitískt hæli í Þýskalandi mæta í réttarsal í Koblenz í dag. Þar svara þeir fyrir ákæru um stríðsglæpi fyrir hlutverk þeirra í pyntingum sýrlenskra stjórnvalda.
Vopnahlé gengið í gildi í Idlib-héraði
Allt hefur verið með „tiltölulega kyrrum kjörum" í Idlib-borg og samnefndu héraði í norðanverðu Sýrlandi eftir að vopnahlé tók þar gildi á miðnætti, eða klukkan tíu í kvöld að íslenskum tíma, að undirlagi Rússa og Tyrkja.
06.03.2020 - 00:39
Pútín ræðir við Erdogan í Moskvu
Vladimir Pútín, forseti Rússlands, og Recep Tayyip Erdogan, forseti Tyrklands, hafa ræðst við í Moskvu í dag um möguleika á vopnahléi í Idlib-héraði í Sýrlandi, þar sem harðir bardagar hafa geisað milli sýrlenska stjórnarhersins og Tyrkja. 
05.03.2020 - 15:43
Uppreisnarmenn snúa vörn í sókn með aðstoð Tyrkja
Uppreisnarmenn í Idlib-héraði í Sýrlandi hafa undanfarna fimm daga styrkt þar stöðu sína með hjálp Tyrkja. Tyrkir hafa notað orrustuþotur og stórskotalið til hjálpar uppreisnarmönnum, en einnig sent dróna til árása á sýrlenska stjórnarherinn í Idlib og víðar.
03.03.2020 - 09:34
Borrell ræðir við tyrkneska ráðamenn
Josep Borrell, utanríkismálastjóri Evrópusambandsins, hélt í morgun til Tyrklands til að ræða við ráðamenn þar um stríðið í Sýrlandi og málefni flóttamanna. Með honum í för er Janez Lenarcic, sem hefur umsjón með mannúðaraðstoð á vegum sambandsins.
19 féllu í loftárás Tyrkja í Idlib-héraði
Nítján hermenn sýrlenska stjórnarhersins féllu í drónaárásum Tyrkja í Idlib-héraði í dag. AFP fréttastofan hefur eftir sýrlensku mannréttindavaktinni að skotið hafi verið á bílalest hersins og herstöð í héraðinu. Fyrr í dag höfðu Tyrkir skotið niður tvær sýrlenskar herflugvélar. 
01.03.2020 - 22:56
Um 13 þúsund flóttamenn við Grikkland
Um þrettán þúsund sýrlenskir flóttamenn í Tyrklandi eru komnir að landamærum Grikklands eftir að Erdogan Tyrklandsforseti hótaði því að opna landamæri Tyrklands að Evrópu. Um 3,6 milljónir flóttamanna eru í Tyrklandi. Flóttamannastofnun Sameinuðu þjóðanna kveðst fylgjast grannt með ástandinu og veitir þeim sem á þurfa að halda mannúðaraðstoð. 
29.02.2020 - 23:43
Rússar segja Tyrki hafa verið meðal hryðjuverkamanna
Rússneska varnarmálaráðuneytið segir tyrkneska hermenn sem féllu í loftársum í Sýrlandi í gær hafa verið meðal hryðjuverkamanna. Minnst 33 tyrkneskir hermenn létu lífið í árásinni í Idlib-héraði. Í yfirlýsingu ráðuneytisins segir að Tyrkirnir hafi ekki látið vita af sér, og þeir hafi verið á svæði sem þeir hefðu ekki átt að vera á.
28.02.2020 - 07:00
SÞ kalla eftir tafarlausum aðgerðum í Sýrlandi
Sameinuðu þjóðirnar kalla eftir tafarlausum aðgerðum í norðvesturhluta Sýrlands. Hættan á frekari átökum eykst með hverri klukkustund, segir í yfirlýsingu Sameinuðu þjóðanna. Þar segir jafnframt að framkvæmdastjórinn Antonio Guterres fylgist áhyggjufullur með ástandinu. Hann ítreki að hernaðaraðgerðir leysi ekki deilurnar í Sýrlandi og kallar eftir friðarviðræðum með milligöngu Sameinuðu þjóðanna.
28.02.2020 - 02:08
Erdogan ítrekar hótanir
Recep Tayyip Erdogan, forseti Tyrklands, endurtók í gærkvöld yfirlýsingar um að Tyrkir ætlaðu að stöðva sókn sýrlenska stjórnarhersins í Idlib-héraði í norðvesturhluta Sýrlands fyrir lok þessa mánaðar.
27.02.2020 - 09:21