RÚV.is - Algengar spurningar

• Hvernig hlusta ég á beina útsendingu Rásar 1 eða Rásar 2 á vefnum?

  Veljið tengil á viðkomandi rás efst til hægri á síðunni. Ýtið svo á örvatakkann (‚play‘) í spilaranum ofarlega til hægri á síðu rásarinnar.

• Hvernig horfi ég á beina útsendingu RÚV á vefnum?

  Veldu tengil merktann RÚV efst til hægri á síðunni. Smelltu á stóra spilarann á miðri RÚV-síðunni til að horfa. Athugið að ekki er öll sjónvarpsdagskrá RÚV send út á vefnum.

• Hvar nálgast ég vefupptökur úr útvarpi og sjónvarpi?

  Þær eru vistaðar í Sarpinum, vefupptökusafni RÚV. Tengil á Sarpinn er að finna í aðalvalmynd efst á vefnum.

• Hvar finn ég upplýsingar um dagskrá? 

  Á síðunni ruv.is/dagskra. Þar er að finna yfirlit yfir dagskrá dagsins á RÚV, Rás 1 og Rás 2. Einnig má nota dagatal á síðunni til að skoða dagskrá fram- og aftur í tíman.

• Hvað er Sarpurinn?

  Sarpurinn er vefupptökusafn RÚV. Þar er safnað saman upptökum af Rás 1, Rás 2 og RÚV til spilunar á vefnum. Einnig eru þar upptökur sem aðeins er að finna á vefnum. Í Sarpinum má leita að upptökum eftir miðli, flokkum og einstökum þáttum en einnig eftir leitarorði. Upptakan sem notandinn velur spilast í spilara efst á miðri síðunni hvort sem um er að ræða hljóð- eða myndupptöku.

• Hversu gamalt útvarps- og sjónvarpsefni get ég nálgast á vefnum?

  RÚV geymir upptökur úr útvarpi og sjónvarpi í a.m.k. tvær vikur frá útsendingardegi.

• Af hverju er bara sumt útvarps- og sjónvarpsefni sett á vefinn?

  RÚV hefur ekki réttindi til að sýna stóran hluta af útsendri sjónvarpsdagskrá á vefnum. Þetta gildir m.a. um mikið af erlendu dagskrárefni. Þá geta gilt sérsamningar um sýningar sjónvarpsefnis á vefnum. Um sumt sjónvarpsefni, s.s. alþjóðlegt íþróttaefni, gildir að ekki má hafa það aðgengilegt á vef í útlöndum. Flest útvarpsefni er aðgengilegt til spilunar á vefnum.

• Hvaða spilara þarf ég að hafa til að horfa eða hlusta?

  RÚV notar Flash streymi til að streyma hljóð- og myndefni á vefnum. Tölvur notenda þurfa því Flash-viðbót frá Adobe til að spila efnið í Sarpinum. Tæki sem ekki styðja flash, s.s. iPhone og iPad, geta spilað efnið með hjálp HTML5 staðalsins sem er sjálfgefin t.d. í Safari vafranum.

• Get ég notað ruv.is með farsímanum mínum?

  Farsímavefurinn m.ruv.is er sérsniðinn að þörfum snjallsíma og spjaldtölva (t.d. iPhone og síma með Androd stýrikerfinu frá Google) Farsímanotendur sem kjósa hreinan textavef geta notast við textaútgáfu á slóðinni www.ruv.is/text. Þá er aðalvefur RÚV einnig aðgengilegur fyrir þá sem það kjósa.

• Get ég notað ruv.is á ipad?

  Farsímaútgáfan m.ruv.is er m.a. ætluð fyrir iPad en aðalvefur RÚV hentar einnig fyrir iPad. Upptökur í Sarpinum á www.ruv.is eru aðgengilegar á iPad.

• Get ég hlustað á útvarpið með nettengdu útvarpstæki?

  Upplýsingar og svefslóðir fyrir netútvörp má nálgast á slóðinni www.ruv.is/netutvorp.