ruv.is

Sjálfstæðismenn ekki fram í Vík

Sjálfstæðismenn munu ekki bjóða fram lista í Mýrdalshreppi í sveitarstjórnarkosningum í vor. Sveitarstjórnarfulltrúi flokksins segir ástæðurnar vera ágreining meðal flokksmanna um veglínu í bænum, og stöðu Sjálfstæðisflokksins á landsvísu í kjölfar hrunsins.

Um fjórar ferðir á dag til Eyja

Bæjarráð Vestmannaeyja hefur lagt drög að ferðaáætlun Herjólfs vegna siglinga í Landeyjahöfn í sumar, samkvæmt beiðni Vegagerðarinnar. Gert er ráð fyrir fjórum til fimm ferðum milli lands og Eyja á dag yfir sumarmánuðina en þremur til fjórum á öðrum árstímum.

Áhyggjur af vatnslögn til Eyja

Almannavarnarnefnd í Vestmannaeyjum hefur sent erindi til HS veitna þar sem lýst er yfir áhyggjum af vatnsforða Vestmannaeyinga í kjölfar jarðhræringa í Eyjafjallajökli.

Mýrdalshreppur samþykkir sjóvörn

Sveitarstjórn Mýrdalshrepps hefur samþykkt tillögu að nýju aðalskipulagi þar sem gert er ráð fyrir nýjum sjóvarnargarði í Víkurfjöru. Samkvæmt henni á að reisa garðinn fjær byggð en tillögur Siglingastofnunar kveða á um.

Íbúar undir Eyjafjallajökli rólegir

Íbúar í Rangárþingi eystra, sem búa næst Eyjafjallajökli, eru hinir rólegustu yfir jarðskjálftunum og spáir sveitarstjórinn á svæðinu ekki eldgosi. Bóndi í Fljótshlíðinni segir samspil vera á milli góðrar veðráttu í vetur og skjálftanna í jöklinum.

Almannavarnir virkja háskastig

Meiri skjálftavirkni er nú í Eyjafjallajökli en í síðustu skjálftahrinu fyrir tíu árum. Almannavarnir hafa virkjað viðbragðsáætlun á fyrsta háskastig vegna mögulegs eldgoss í jöklinum.

Fleiri skjálftar mælast

Enn skelfur jörð undir Eyjafjallajökli og síðustu klukkutíma hafa orðið 20-30 skjálftar á klukkustund. Það er heldur rólegra en verið hefur síðustu sólarhringa en engu að síður eru almannavarnir í viðbragðsstöðu vegna hugsanlegs eldgoss.

Dæmdir fyrir innbrot í sumarbústaði

Tveir karlmenn voru dæmdir í eins og tveggja mánaða skilorðsbundið fangelsi í morgun fyrir innbrot, þjófnað og hylmingu þýfis.

Óttast um vatnslögn en ekki höfn

Karl Gauti Hjaltason, sýslumaður í Vestmannaeyjum og formaður Almannavarnanefndar þar, segir að helsta áhyggjuefni Eyjamanna vegna hugsanlegs eldgoss í Eyjafjallajökli sé vatnsleiðslan til Vestmannaeyja. Meðal annars sé horft til þess að vatnið geti mengast eða leiðslan eyðilagst.

Viðbragðsáætlun virkjuð

Almannavarnir hafa virkjað viðbragðsáætlun vegna aukinnar jarðskjálftavirkni í Eyjafjallajökli. Ákveðið var á fundi Vísindamannaráðs almannavarna í morgun að setja áætlunina á fyrsta háskastig - óvissustig. Í því felst að aukið er við athuganir, rannsóknir, vöktun og mat og samráð aukið milli almannavarna og þeirra stofnana sem málið varðar, segir í tilkynningu frá Almannavörnum.

Maðurinn fannst látinn í morgun

Maðurinn sem hvarf frá dvalar-og hjúkrunarheimilinu Ási í Hveragerði um kvöldmatarleytið í gær og lögreglan á Selfossi lýsti eftir í morgun fannst á ellefta tímanum í morgun. Hann var látinn. Björgunarsveitarmenn fundu manninn á víðavangi í Ölfusi rétt sunnan Hvergerðis. Talið er að hann hafi orðið úti. Hann var 53 ára gamall.

Ekki miklar líkur taldar á eldgosi

Klukkan rúmlega sex í morgun mældist jarðskjálfti upp á rúma þrjá á Richter undir Eyjafjallajökli. Þetta er stærsti skjálftinn í jarðskjálftahrinunni þar, sem hófst fyrir tveimur sólarhringum. Fundi Almannavarna og vísindamannaráðs í Samhæfingarmiðstöðinni í Skógarhlíð er nýlokið.

Hægt að bóka hópa með Herjólfi

Vegagerðin vinnur enn að því að ljúka gerð samnings við Eimskip um áframhaldandi rekstur Herjólfs vegna siglinga í Landeyjahöfn sem eiga að hefjast 1. júlí. Hvorki gjaldskrá né ferðaáætlun liggja því fyrir. Í afgreiðslu Herjólfs í Vestmannaeyjum er þó farið að taka við bókunum fyrir hópa í sumar.

Lýst eftir Jónasi S. Þorleifssyni

Lögreglan á Selfossi lýsir eftir Jónasi S. Þorleifssyni sem fór frá Dvalar-og hjúkrunarheimilinu Ási í Hveragerði um kl. 18:00 þann 4. mars. Jónas er 53 ára, um 180 cm á hæð, grannvaxinn með dökkt þunnt hár sem farið er að grána. Ekki er vitað nánar um klæðaburð Jónasar nema að hann gæti verið í ljósri yfirhöfn.

Skjálftahrina undir Eyjafjallajökli

Jarðskjálfti upp á rúma þrjá á Richter mældist undir Eyjafjallajökli klukkan 6.13 í morgun. Þetta er stærsti skjálftinn sem mælst hefur á þessum slóðum síðan jarðskjálftahrinan hófst þar fyrir tæpum tveimur sólarhringum.

Nemendur aðstoða á loðnuvöktum

Loðnu var landað úr átta skipum í Vestmannaeyjum í gær. Samtals var aflinn rúmlega átta þúsund tonn. Meðal þeirra sem taka þátt í loðnuvinnslunni eru framhaldsskólanemendur í Eyjum.

Eldur kom upp í spónaverksmiðju

Miklar reykskemmdir urðu og talsvert brunatjón varð þegar eldur kom upp í um þúsund fermetra spónaverksmiðju við Sunnumörk í Hveragerði um hálf eitt leytið í nótt.

Ásókn í störf á nýjum frystitogara

Útgerðarstjóri Vinnslustöðvarinnar í Vestmannaeyjum segir mikla ásókn í störf um borð í nýjum frystitogara sem fyrirtækið hefur keypt af þrotabúi dótturfélags Nýsis. Ráða þarf í rúmlega tuttugu stöður um borð og segir Guðni Ingvar Guðnason útgerðarstjóri að nú þegar hafi tvöfalt fleiri fyrirspurnir borist eftir að auglýst var eftir skipstjóra.

Uppsögnum frestað um mánuð

Uppsögnum fjögurra sjúkraflutningamanna hjá Heilbrigðisstofnun Suðurlands á Selfossi, sem áttu að taka gildi nú um mánaðamótin, hefur verið frestað um einn mánuð, eða til fyrsta apríl. Fjórir sjúkraflutningamenn verða því enn um sinn á vakt á tveimur sjúkrabílum í Árnessýslu.

Tilboð í smíði brúar og landgangs

Fyrirtækið Stál og suða bauð lægst í smíði ekjubrúar og landgangs í Landeyjahöfn, rétt tæpar 30 milljónir króna. Það er rúmum 20 milljónum lægra en kostnaðaráætlun verksins hljóðaði uppá.