Dagskrárliður er ekki aðgengilegur lengur

Birt þann 22. apríl 2017
Aðgengilegt á vef til 22. júlí 2017

Útvarpsleikhúsið: Söngur hrafnanna

Útvarpsleikrit eftir Árna Kristjánsson. Hljóðvinnsla: Einar Sigurðsson. Leikstjóri: Viðar Eggertsson. Persónur og leikendur: Davíð: Ólafur Darri Ólafsson Páll: Hannes Óli Ágústsson Árni: Hilmir Jensson Hulda: María Pálsdóttir Gerda: Aðalbjörg Þóra Árnadóttir „Hulið er margt að baki tímans tjalda.“ Úr Gullna hliðinu eftir Davíð Stefánsson Raddir fortíðar leika um loftið í húsi við Bjarkarstíg. Þetta er hús Davíðs Stefánssonar frá Fagraskógi. Hús sem hefur staðið óbreytt í hálfa öld. Árni Kristjánsson píanóleikari og Páll Ísólfsson tónskáld heimsækja Davíð til að fagna Gullna hliðinu, nýskrifuðu leikriti eftir skáldið. Þeir óttast að Davíð taki ekki vel í fréttirnar sem þeir þurfa að færa honum frá leikhúsinu fyrir sunnan. En það eru annarlegri hlutir á seyði þetta kvöld og fleiri raddir á sveimi. Davíð tekst á við ástina sem aldrei gat orðið og einmanaleikann sem virtist alltaf koma aftur. Söngur hrafnanna er hljóðverk þar sem öllum aðferðum útvarpsleikhússins beitt til að sýna Davíð og samferðafólk hans með listrænum og manneskjulegum hætti. Frumflutningur Verkið er unnið í samvinnu við Leikfélag Akureyrar og Minjasafnsins á Akureyri og var frumflutt sem hljóðinnsetning í Davíðshúsi við Bjarkarstíg 6 á 50 ára dánarafmæli Davíðs Stefánssonar 1. mars 2014.