Hvernig vegnar litlum löndum í Evrópusambandinu? Kýpur gekk einhuga í ESB 2004, er nú að semja um björgunaraðstoð frá ESB auk þess að fara með formennskuna í ESB um þessar mundir. Það var með Kýpur eins og Finnland – aðild að Evrópusambandinu þykir auka pólitískan stöðugleika í ljósi stríðra nágranna. Nágrennið við Tyrki er aldagamalt stríðsefni á Kýpur og allir stjórnmálaflokkar studdu aðild eyjarinnar að ESB. Það var því ekki haldin þjóðaatkvæðagreiðsla. Nú fer Kýpur með formennskuna í Evrópusamstarfinu og vill gjarnan skila aðildarviðræðum Íslendinga sem lengst svo fleiri smáríki, með sinn skilning á samstarfinu bætist í hópinn. Sigrún Davíðsdóttir kynnti sér formennskuáætlun Kýpur og ræddi við Nikos Christodoulides talsmann fastanefndar Kýpur hjá ESB.
Lesa meira

Nýlega kom út ný bók í bókaflokknum um Viggó Viðutan. Þetta þykja auðvitað stórtíðindi í heimi myndasagna. Þessi bók tilheyrir nýrri bókaröð sem fjallar um æskuár Viggós – Viggó hinn unga þar sem hann leikur sér við besta vin sinn Júlla og eins og endranær fremur hann prakkarastik af guðs náð.
Lesa meira

Hægristjórn Lýðflokksmanna á Spáni hefur nú svikið öll sín kosningaheit í efnahagsmálum á því tæpa ári sem hún hefur verið við völd. Þvert á kosningarskrá Lýðflokksins hefur stjórnin m.a. hækkað skatta, gert uppsagnir ódýrari, komið á svonefndri samgreiðslu lyfja þar sem sjúklingar taka þátt í kostnaði og er að innleiða gjaldtöku vegna málaferla. Og nú hefur hún ákveðið að fara ekki að lögum um árlega endurskoðun eftirlauna í samræmi við vísitölu neysluverðs. Þar með stendur ekkert eftir af því sem hún lofaði. Stutt er síðan Rajoy forsætisráðherra sagðist ekki mundu beita niðurskurðarhnífnum á eftirlaun. Það væri „rautt strik“ sem hann stigi aldrei yfir.
Lesa meira

Það er af sem áður var, á tímum kalda stríðsins, að Norður Atlantshafsbandalagið, Nato, væri efst á baugi í öryggismálum. Nato skiptir orðið harla litlu máli, segir Anatole Lieven prófessor í hernaðarfræðum við King’s College í Lundúnum. Sigrún Davíðsdóttir tók Lieven tali nýlega á skrifstofu hans í miðborg Lundúna, bæði til að heyra sýn hans á Nato en einnig á aðra þætti öryggismála í heiminum. Sigrún spurði Lieven fyrst hvort Nato skipti enn máli.
Lesa meira

Greiðslur til erlendra dótturfélaga stórfyrirtækisins Starbucks hafa forðað fyrirtækinu frá skattgreiðslum í Bretlandi. Nú lofar Star bucks að greiða meiri skatt í Bretlandi. En ýmsir spyrja hvort fjölþjóðafyrirtæki geti þá í raun ráðið hvort þau borgi skatt eða ekki. Skattamál fjölþjóðafyrirtækja hafa verið ákaft rædd undanfarin misseri, ekki síst af því fjölmiðlar eins og dagblaðið Guardian hafa grafið upp athyglisverðar staðreyndir í þessum efnum. Athyglin hefur beinst að fyrirtækjum eins og Starbucks, Amazon og Google. Í dag skilaði svo bresk þingnefnd skýrslu þar sem skattstofan breska er harðlega gagnrýnd fyrir linku og dugleysi varðandi skattmál fjölþjóðafyrirtækja.
Lesa meira

„Hér er París“ syngja áhangendur stórliðsins Paris Saint-Germain þegar leikmenn ganga á völlinn Parc des Princes sem er mikill orrustuvöllur og þekktur bæði fyrir frábæra stemningu en sömuleiðis skelfileg skrílslæti og ofbeldi.
Lesa meira

Írska stjórnin kynnti í dag fjárlagafrumvarpið fyrir næsta ár. Þar er gert ráð fyrir umtalsverðum skattahækkunum og niðurskurði í opinberum útgjöldum. Þetta er sjötta fjárlagafrumvarpið af því tagi sem írsk stjórnvöld leggja fyrir þingið. Vonir standa til að í þetta sinn verði hægt að spara um 3,5 milljarð evra, sem jafngildir ríflega 570 milljörðum íslenskra króna.
Lesa meira

Í Rómönsku Ameríku og Karíbahafslöndum hefur miðstéttarfólki fjölgað sem aldrei fyrr með auknum hagvexti síðustu ár. Fjölgunin nam um 50 prósentum tímabilið 2003 til 2009. Þá fjölgaði fólki í miðstéttum úr 103 milljónum í 152 milljónir. Miðstéttir samsvara nú 30 prósentum íbúa. Samt er ekki enn hægt að tala um að löndin í þessum heimshluta séu orðin að miðstéttasamfélögum því að 30 prósent íbúa lifa við fátækt. Þetta segir Alþjóðabankinn í nýrri skýrslu.
Lesa meira

Hver konan á fætur annarri hefur verið utanríkisráðherra Bandaríkjanna undanfarin ár – Madeleine Albright, Condoleezza Rice og að sjálfsögðu Hillary Clinton sem senn lætur af þessu embætti. Og nú er í gangi hér í Washington harður slagur um hver tekur við af Hillary. Allt bendir til að Barack Obama Bandaríkjaforseti hafi mestan hug á að tilnefna í embættið Susan Rice, sendiherra Bandaríkjanna hjá Sameinuðu þjóðunum. Rice hefur að baki töluverða reynslu í bandarísku utanríkisþjónustunni en það sem meira er hún þykir handgengin Bandaríkjaforseta og Obama hefur mikið álit á sendiherranum.
Lesa meira

Ein mikilvægasta fæða mannsins er brauð og saga brauðsins er samofin sögu mannkyns. Brauðið er nátengt daglegu lífi mannsins en brauðát hefur líka verið helgiathöfn þúsöldum saman; brauðið tengist nefnilega margskonar trúarbrögðum og hátíðum. Þegar Jesús Kristur snýr aftur eftir krossfestinguna býður hann félögum sínum upp á brauð. Hann brýtur brauðið og færir þeim. Og er í raun að segja: Ég er brauðið. Brauðið er ég. Og Brauðið er Fögnuður Lífsins og Konungur Sannleikans.
Lesa meira