Amanpour færir sig yfir til ABC
Fyrst birt: 19.03.2010 16:53 GMT, Síðast uppfært: 19.03.2010 17:00 GMT
Christiane Amanpour, einn alþekktasti fréttamaður og fréttaskýrandi CNN sjónvarpsstöðvarinnar, hefur ákveðið vistaskipti. Hún færir sig yfir til bandarísku sjónvarpsstöðvarinnar ABC og hefur störf þar í ágúst.
Amanpour á að stýra vikulegum umræðuþætti ABC um stjórnmál. Þátturinn sem nefnist "This Week" er sendur út á sunnudögum. Auk þess vinnur Amanpour í öðrum fréttaþáttum ABC.
Amanpour var fyrst heimsþekkt í fyrra Íraksstríðinu 1991. Hún hefur síðan verið á vettvangi helstu átaka í heiminum og tekið viðtöl við fjölda leiðtoga um heim allan.
Ertu með athugasemd vegna fréttarinnar? Sendu á frettir@ruv.is
