Skiptar skoðanir um æsku og elli
Fyrst birt: 17.03.2010 22:20 GMT, Síðast uppfært: 17.03.2010 22:26 GMT
Skiptar skoðanir eru um það meðal þjóða heimsins hvenær fólk hættir að vera ungt og hvenær það verður gamalt. Meðaltal könnunar European Social Survey, sem náði til 21 þjóðar í Evrópu, leiðir í ljós að fólk hættir að vera ungt, þegar það nær 38 ára aldri og telst verða gamalt þegar það verður 58 ára.
Yfir 40 þúsund manns tóku þátt í könnuninni. Niðurstöðurnar eru afar misjafnar meðal þjóða. Norðmenn telja til dæmis að fólk hætti að vera ungt 34 ára. Kýpverjar virðast taka gjörólíkan pól í hæðina. Að þeirra áliti er fólk ekki lengur ungt þegar það er orðið 52ja ára. Þar telst það vera gamalt við 67 ára aldur.
Ertu með athugasemd vegna fréttarinnar? Sendu á frettir@ruv.is
