Bíósýning til styrktar Stígamótum
Fyrst birt: 16.03.2010 22:49 GMT, Síðast uppfært: 17.03.2010 15:17 GMT
Efnt verður til styrktarsýningar á kvikmyndinni Precious í Háskólabíói miðvikudag klukkan 20. Aðgangseyrir rennur óskiptur til Stígamóta, en samtökin héldu nýverið upp á 20 ára starfsafmæli.
Kvikmyndin, sem hlaut tvenn Óskarsverðlaun á dögunum, fjallar um unglingsstúlku sem hefur mátt þola kynferðislega misnotkun af hálfu föður síns og andlegt og líkamlegt ofbeldi af hendi móður sinnar. Mentor og Ólafía, nemendafélög nema í félagsráðgjöf við Háskóla Íslands, í samstarfi við Myndform, Græna ljósið og Háskólabíó efna til styrktarsýningarinnar.
Ertu með athugasemd vegna fréttarinnar? Sendu á frettir@ruv.is
