RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Krakkar búa til efni fyrir Útvarps stundina okkar

Mynd með færslu
Í byrjun mánaðar var námskeið á vegum KrakkaRÚV í upptöku- og útvarpsþáttagerð í Sláturhúsinu, menningarsetri á Egilsstöðum.

Námskeiðinu stjórnaði Sigyn Blöndal og efnið sem varð til á námskeiðinu verður notað til flutnings í Útvarps stundinni okkar á Rás 1. Fyrsti þátturinn fer í loftið á fimmtudaginn kl.18:30. Um 30 krakkar tóku þátt í námskeiðinu en meðal þess sem heyra má eftir ungu útvarpsmennina er frumsamin útvarpssaga með leikhljóðum, menningarumfjöllun, viðtalsþáttur og samklipptir viðtalsbútar við fólk á ferli.

Námskeiðið er haldið að frumkvæði Arnaldar Mána Finnssonar í samstarfi við Menningarmiðstöð Fljótsdalshéraðs og RÚV.