Hugbúnaðar- og upplýsingatæknifyrirtækin Skýrr, Kögun, Eskill og Landsteinar Strengur verða sameinuð. Starfsmönnum fyrirtækjanna verður tilkynnt um þetta nú í hádeginu. Nýja fyrirtækið heitir Skýrr.

Gestur G. Gestsson, verðandi forstjóri nýja fyrirtækisins, segir tilganginn vera að stofna öflugt hugbúnaðar- og upplýsingatæknifyrirtæki.

320-330 manns starfa hjá nýja fyrirtækinu, sem sé svipaður fjöldi og á hjá fyrirtækjunum fjórum. Vegna hagræðingar fækki þó starfsfólki í stoðsviði.