Fyrst birt: 04.05.2009 18:29
Síðast uppfært:
Íslendingum standa allar dyr opnar
Íslendingar ættu að nýta tækifærið meðan Svíar sitja í forsæti Evrópusambandsins og sækja um aðild, segir Olli Rehn, stækkunarstjóri ESB. Hann býst ekki við að nokkurt þjóðþing neiti Íslandi um aðild.
Jafnvel þó orðspor landsins hafi beðið hnekki. Olli Rehn segir að það standi ekki á því að semja við ríkisstjórnin Íslands, þó hún sé ósamstíga, vilji þing og þjóð aðild.
Olli Rehn segir að Evrópusambandið sé búið undir að fá aðildarumsókn frá Íslandi ef ákveðið verður að sækja um.
Hann hafi samúð með Íslendingum vegna efnahagskreppunnar. Hún hafi einhver áhrif en á móti komi að Ísland eigi bæði náttúruauðlindir og vel menntað fólk. Lýðræði eigi djúpar rætur hjá þjóðinni og hann segist sannfærður um að Evrópusambandsríkin myndu bjóða Ísland velkomið ef gengið yrði til samninga og þeir tækjust.
Svíar taka við forsæti Evrópusambandsins í júlí. Rehn segir að það skipti alltaf máli hver fari fyrir Evrópusambandinu. Svíar hafi sagt að þeir vilji taka við umsókn Íslendinga.
Leit
