ruv.is

Lögregla beitti piparúða gegn hópi fólks sem reyndi að ryðjast inn á lögreglustöðina við Hlemm síðdegis. Hundruð söfnuðust þar saman til að mótmæla handtöku manns sem festi Bónusfána á Alþingishúsið fyrir skömmu. Manninum var sleppt á sjötta tímanum.

Stuttu síðar kom sérsveitin og stillti sér upp fyrir framan lögreglustöðina. Þá urðu nokkur slagsmál. Klukkutíma eftir að átökin voru mest var manninum síðan sleppt.

Aðaldyr lögreglustöðvarinnar er brotin, 4-5 rúður brotnar auk þess sem eggjum og súrmjólk var kastað á húsið.

frettir@ruv.is