GETTU BETUR 2009 - 2010
Lið frá þrjátíu og einum skóla taka þátt í Gettu betur að þessu sinni.
 Hver hlýtur Hljóðnemann eftirsótta? | Nýr spurningahöfundur og dómari er Örn Úlfar Sævarsson. Eva María Jónsdóttir verður spyrjandi eins og í fyrra og Ásgeir Erlendsson stigavörður. Umsjón og dagskrárgerð annast Andrés Indriðason. Keppt er í tveimur umferðum á Rás tvö með útsláttarsniði. Sigurliðin 15 komast í seinni umferðina og að auki lið þess skóla sem var á síðasta miðanum þegar dregið var. Í seinni umferð keppa síðan 16 lið og fara sigurliðin átta í úrslitakeppnina í Sjónvarpinu sem hefst 13. febrúar. Úrslitaþátturinn verður 27. mars. Úrslit viðureigna verða birt á heimasíðu á vef Ríkisútvarpsins og einnig frásagnir og pistlar um keppnina. |
ÚRSLIT GETTU BETUR 2009
MR 28 - MH 25
Lið Menntaskólans í Reykjavík og Menntaskólans við Hamrahlíð mætast í úrslitaviðureigninni í Gettu betur á laugardagskvöld. MR-ingar sigruðu lið Borgarholtsskóla í seinni undanúrslitaþættinum. MH-ingar lögðu lögðu lið Verzló
í fyrri þættinum.
Rétt er að vekja athygli á því að Gettu betur hefst að þessu sinni fyrr en venjulega eða klukkan 19:40 með eins konar upphitunarþætti fyrir úrslitaþáttinn. Í honum verða sýnd brot af ýmsu tagi úr Gettu betur þáttum í gegnum tíðina, allar götur frá 1986, og Ásgeir Erlendsson stigavörður tekur á móti gestum sem hafa á einhvern hátt komið við sögu í þessari vinsælu spurningakeppni.
Þessi dagskrá, sem er í beinni útsendingu að viðstöddum áhorfendum í myndveri Sjónvarpsins, rennur svo saman við úrslitaþáttinn. Milli spurninga í þeim þætti fá áhorfendur að njóta tónlistar frá MH og MR-ingum.
Hljóðneminn, verðlaunagripur Ríkisútvarpsins, er merkilegur fyrir þær sakir að hann hefur átt heiðurssess í mörgum framhaldsskólum frá árinu 1987, lengstum þó í MR. Hann er líka merkilegur að því leyti að hann var í hljóðstofu Ríkisútvarpsins á fyrstu starfsárum þess í Landsímahúsinu við Austurvöll. Margir mætir Íslendingar hafa því setið við hann og talað til þjóðarinnar.
Lið MR hefur alls þrettán sinnum hampað Hljóðnemanum. Lið MH hefur enn ekki sigrað í Gettu betur en oft komist nálægt því. Spurningin er hvort tími MH-inga sé kominn núna - eða eiga MR-ingar eftir að hefja verðlaunagripinn eftirsótta á loft í fjórtánda sinn?