West Ham sló út Liverpool í bikarnum

09.02.2016 - 22:35
epa05121420 West Ham Enner Valencia (R) celebrates after scoring a goal against Manchester City during the English Premier League game between West Ham United and Manchester City at the Boleyn ground in London, Britain, 23 January 2016.  EPA/FACUNDO
 Mynd: EPA
West Ham er komið áfram í enska bikarnum eftir dramatískan 2-1 sigur á Liverpool. Staðan að loknum venjulegum leiktíma var 1-1 og þurfti að grípa til framlenginar en fyrri leikur liðanna í keppninni fór einnig 1-1 á Anfield í Liverpool.

Michail Antonio kom heimamönnum í West Ham yfir skömmu fyrir leikhlé en Philippe Coutinho jafnaði í byrjun seinni hálfeiks. Liðunum tókst ekki að skora í venjulegum leiktíma og því varð að grípa til framlengingar til að knýja fram úrslit.

Á lokamínútu uppbótartíma skallaði Angelo Ogbonna boltann í netið og tryggði West Ham farseðilinn í næstu umferð enska bikarsins. Grátlegt fyrir Liverpool en allt stefndi í að leikurinn færi í vítaspyrnukeppni.

West Ham mætir Blackburn í 16-liða úrslitum enska bikarsins.

 


Deila frétt



Mynd með færslu
Jón Júlíus Karlsson
íþróttafréttamaður
09.02.2016 - 22:35