Vísað frá Kanada út af nektardansi
Fyrst birt: 08.08.2012 13:03, Síðast uppfært: 08.08.2012 14:58
Flokkar: Norður Ameríka, Erlent
Íslensk kona segist þéna ágætlega á nektardansi í Kanada. Mynd: Shutterstock
Kanadísk yfirvöld vísa 22 erlendum nektardansmeyjum úr landi á næstu vikum. Í hópnum er ónafngreind íslensk kona sem segist hafa átt og rekið tvö fyrirtæki hér á landi fyrir efnahagshrunið en þéni nú ágætlega á nektardansi í Kanada.
Á vefmiðlinum CBC Windsor kemur fram að konurnar verði að fara frá Kanada innan fjögurra vikna og að fleiri muni fylgja í þeirra fótspor næstu ellefu mánuðina. Samkvæmt nýjum reglum er óheimilt að ráða erlenda nektardansara til að koma í veg fyrir misnotkun fólks í störfum sem tengjast kynlífsiðnaði í Kanada.
Ertu með athugasemd vegna fréttarinnar? Sendu á frettir@ruv.is
