Vilja hraðari uppbyggingu í Úlfarsárdal

18.02.2016 - 00:50
Mynd með færslu
Svona á íþróttasvæði Fram í Úlfarsárdal að vera þegar allt verður tilbúið. Það verður þó ekki á þessu ári, en keppnisvöllurinn á þó að vera löglegur í júlí, þó önnur aðstaða verði ekki klár strax.  Mynd:  -  Fram
Íbúar Úlfarsárdals fara fram á að uppbyggingu skóla, íþrótta- og menningamiðstöðvar í hverfinu verði flýtt. Hátt byggingaréttargjald var á sínum tíma réttlætt með hraðri uppbyggingu á innviðum hverfisins, en nú er ljóst að verklok verða 2022, 15 árum eftir að fyrstu íbúar fluttu í hverfið. Þetta kemur fram í ályktun stjórnar Íbúasamtaka Úlfarsárdals.

Íbúasamtökin krefjast þess að borgaryfirvöld hraði framkvæmdum og ljúki þeim eftir þrjú ár. 25 til 30 börn séu á biðlista eftir leikskólaplássi og líkur séu á að þau verði fleiri ef fjölgun íbúa verður svipuð og síðasta ár. Samtökin hafa áhyggjur af því að samrekinn leik- og grunnskóli sé í hættu verði framkvæmdum ekki flýtt.

Ályktunina má lesa í heild sinni með því að smella á skjalið hér til hliðar.

 


Deila frétt



Róbert Jóhannsson
Fréttastofa RÚV
18.02.2016 - 00:50