Óreglustikur

Gengið verður um sýningu Santiago Sierra sem nú stendur yfir í Listasafni Reykjavíkur, Hafnarhúsi með Haraldi Jónssyni myndlistarmanni.

Rætt verður við Ásdísi Egilsdóttur en hún flytur erindi um handrit sem eitt sinn var í fórum Árna Magnússonar og geymir Margrétar sögu sem er þýdd saga um píslarvottinn heilaga Margréti sem var verndardýrlingur kvenna í barnsnauð.

Bandaríski listamaðurinn Mike Kelley lést fyrir aldur fram 31. janúar síðastliðinn. Rætt verður við Heklu Dögg Jónsdóttur myndlistarmann um framlag Kelley til samtímalistar.

Litið verður inn á sýninguna Óreglustikur í Gallerí Tukt, þar sem Arnljótur Sigurðsson tekst á við mælingu heimsins og Helgi Jónsson gagnrýnir tónleika Sinfóníuhljómsveitar Íslands sem fram fóru í síðustu viku og tónleika Kiri te Kanawa í Eldborgarsal Hörpu síðasta sunnudag.

Ertu með athugasemd vegna fréttarinnar? Sendu á frettir@ruv.is