Vegurinn um Hvalnesskriður lokaður í nótt

06.03.2016 - 22:46
Mynd með færslu
 Mynd: RÚV
Vegurinn um Hvalnesskriður, á milli Hafnar og Djúpavogs, verður lokaður í kvöld og í nótt vegna snjóflóðahættu. Víða er hálka á vegum um allt land. Þetta kemur fram í tilkynningu Vegagerðarinnar.

Það er hálka á Reykjanesbraut og hálkublettir á höfuðborgarsvæðinu. Hálka er einnig á Hellisheiði og Þrengslum og hálka, hálkublettir eða snjóþekja mjög víða á Suðurlandi. Þæfingsfærð er í Grafningi.

Á Vesturlandi er hálka, hálkublettir og einhver snjóþekja. Hálka eða hálkublettir er á flestum leiðum á Vestfjörðum.

Snjóþekja, hálka og hálkublettir eru á Norðurlandi, sumstaðar éljagangur.

Hálka er víða á Austurlandi og einnig éljagangur. Lokað er um Hvalnesskriður en annars er hálka eða hálkublettir á nokkrum köflum með suðausturströndinni.

 


Deila frétt



Róbert Jóhannsson
Fréttastofa RÚV
06.03.2016 - 22:46