ruv.is

Ríkissaksóknari hefur ákært tvo menn um fertugt fyrir að flytja inn fjögur kíló af amfetamíni. Efnin komu frá Hollandi með Arnarfelli 12. janúar á þessu ári.

Lögreglan handtók annan manninn skömmu eftir að hann sótti fíkniefnin um borð. Gerviefni voru sett í staðinn og að beiðni lögreglunnar afhenti maðurinn þau hinum manninum sem ákærður var í málinu. Samkvæmt ákærunni höfðu mennirnir tveir hist nokkrum sinnum í lok síðasta árs og skipulagt smyglið. Annar mannanna er í Kópavogsfangelsi - hinn á Litla Hrauni.

frettir@ruv.is