Tugir drukknuðu við grísku eyjuna Samos

28.01.2016 - 11:23
This is the vessel used by migrants from where a number of them died as they  to passed from Turkish coast to Greece docked  at the village of Kokkari on the eastern Greek island of Samos on Thursday, Jan. 28, 2016. Authorities in Greece have raised the
Bátur flóttafólksins sem lenti í hrakningum skammt undan ströndum Samos.  Mynd: AP
Coast guard vessel arrives with the dead bodies of migrants at the port of Vathi on the eastern Greek island of Samos on Thursday, Jan. 28, 2016. Authorities in Greece have raised the death toll from a migrant boat sinking to 18, after recovering seven
Lík flóttafólksins flutt til hafnar á Samos.  Mynd: AP
Lík 24 flóttamanna hafa fundist undan strönd grísku eyjarinnar Samos í Eyjahafi. Tíu þeirra voru á barnsaldri. Ellefu er enn saknað að sögn grísku strandgæslunnar. Björgunarskip frá Grikklandi og á vegum Frontex, landamæragæslu Evrópusambandsins, eru á slysstaðnum. Tíu komust lífs af úr slysinu.

Flóttafólkið var á leið frá Tyrklandi til Samos þegar báti þess hvolfdi. Vindasamt hefur verið á þessum slóðum að undanförnu. Allt of margir voru um borð í bátnum, að sögn strandgæslumanna. Einum þeirra sem komust lífs af tókst að synda til Samos og tilkynna um slysið. Enn hefur ekki verið greint frá þjóðerni flóttafólksins.

Í síðustu viku drukknuðu 44 flóttamenn þegar þrír bátar lentu í hafsnauð í grískri lögsögu. 


Deila frétt



Mynd með færslu
Ásgeir Tómasson
Fréttastofa RÚV
28.01.2016 - 11:23