Þörf á að skoða framkvæmd tollamála

21.01.2016 - 20:16
Mynd með færslu
 Mynd: RÚV
„Það er augljóst það mun þurfa að skoða með hvaða hætti þetta hefur verið gert,“ segir Sigmundur Davíð Gunnlaugsson forsætisráðherra um nýfallin dóm Hæstaréttar sem dæmdi ríkið til að endurgreiða þremur heildsölufyrirtækjum rúmlega 500 milljónir króna í útboðsgjald vegna tollkvóta á búvörum eins og ostum, pylsum og kjúklingum svo eitthvað sé nefnt.

Sigmundur Davíð segir að tollar hafi reynst Íslendingum á margan hátt mikilvægir, meðal annars í samningaviðræðum við erlend ríki. „Núna síðast við ESB, þar sem að sú staðreynd að við gátum gefið eftir tolla af okkar hálfu þýddi að um leið opnuðust markaðir Evrópu; það er að segja þeir gáfu eftir tolla á móti. Þannig að þetta hefur reynst okkur mjög mikilvægt í í slíkum viðræður þó að þessi dómur að sjálfsögðu sýni að við þurfum að skoða með hvaða hætti þetta hefur verið framkvæmt." 

Krafan á ríkið sé í raun enn hærri

Hæstiréttur dæmdi íslenska ríkið til að greiða Högum 245 milljónir krónaInnnesi 212 milljónir og Sælkeradreifingu 52 milljónir króna. 

„Þarna er verið að endurgreiða fyrirtækjunum oftekna skatta og gjöld fram í júní árið 2013. Það var haldið áfram að rukka þetta gjald eftir að því tímabili lauk sem dómurinn tekur til. VIð teljum því að fyrirtækin eigi enn hærri kröfu á ríkið,“ segir Ólafur Stephensen, framkvæmdastjóri Félags atvinnurekanda. „Eftir að dómur féll í mars í fyrra í Héraðsdómi Reykjavíkur þá breytti Alþingi lögunum og reyndi að gera útboðsgjaldið lögmætt í júlí. Við erum ekki sannfærð um að breytingarnar dugi til og teljum að enn sé ólögmæt gjaldtaka. Ef útboðsgjaldið verður tekið af þá þýðir það verðlækkun á þessum vörum í framtíðinni en þetta gjald kostar neytendur 330 miljónir króna bara á þessu ári.“

Stjórnarskrárbrot 

Ólafur segir að framhaldið ráðist af viðbrögðum stjórnvalda.„Við teljum einboðið að stjórnvöld endurskoði gjaldtökuna því hún heldur ekki. Það kæmi hinsvegar ekki á óvart ef stjórnvöld halda henni til streitu.“

Hæstiréttur taldi það fara í bága við stjórnarskrá að ráðherra hefði frjálst val um það hvort hlutkesti skyldi ráða því hvort umsækjendur um meiri innflutning vöru umfram tollkvóta eða hvort leitað skyldi tilboða í hemildir til innflutnings. Í þeirri skipan hefði falist að ráðherra gæti einhliða ákveðið hvort greiða skyldi gjald fyrir tollkvóta eða ekk


Deila frétt



21.01.2016 - 20:16