Sundsvall steinlá á heimavelli
Fyrst birt: 04.03.2013 20:26, Síðast uppfært: 04.03.2013 20:28
Flokkar: Körfubolti, Íþróttir
Hlynur Bæringsson var stigahæstur í liði Sundsvall í kvöld - Mynd: heimasíða KKÍ
Íslendingaliðið Sundsvall Dragons steinlá fyrir Uppsala Basket 102-69 á heimavelli í sænsku úrvalsdeildinni í körfuknattleik í kvöld.
Hlynur Bæringsson var stigahæstur í liði Sundsvall með 22 stig auk þess að taka 5 fráköst og gefa 2 stoðsendingar en Jakob Örn Sigurðarson skoraði 11 stig og átti 5 stoðsendingar.
Sundsvall hefur þegar tryggt sér deildarmeistaratitilinn en liðið er í efsta sæti með 52 stig, fjórum stigum á undan næsta liði, þegar aðeins ein umferð er eftir í deildinni. Deildarkeppninni lýkur í vikunni en átta liða úrslit um sænska meistaratitilinn hefjast svo um miðjan mánuðinn.
Ertu með athugasemd vegna fréttarinnar? Sendu á frettir@ruv.is
