Stjórnin samþykkti skilyrðin

Fyrst birt: 10.02.2012 23:37, Síðast uppfært: 11.02.2012 04:48

Mynd: NordicPhotos/AFP

Ríkisstjórn Grikklands samþykkti í kvöld skilyrðin sem Evrópusambandið og Alþjóðagjaldeyrissjóðurinn settu fyrir því að Grikkir fái næstu greiðslu neyðarláns upp á 130 milljarða evra. Áætlun um frekari niðurskurð í landinu verður því lögð fyrir þingið á sunnudag.

Greiði meirihluti þingsins með henni verða Grikkir einu skrefi nær því að fá lánið.

Ekki gekk þó þrautalaust að fá fram samhljóða samþykki stjórnarinnar fyrir áætluninni en sex ráðherrar sögðu af sér í dag til að mótmæla henni. Í kvöld sagði Lucas Papademos, forsætisráðherra Grikklands, í ávarpi að ef áætlunin yrði ekki samþykkt og greiðslufall yrði hjá hinum opinbera, yrði efnahagslegt öngþveiti í landinu.

Ertu með athugasemd vegna fréttarinnar? Sendu á frettir@ruv.is

Til baka