Sigurður og Fróði meistarar
Fyrst birt: 01.07.2012 19:31, Síðast uppfært: 01.07.2012 21:06
Flokkar: Íþróttir
Þórður Þorgeirsson og Sigurbjörn Bárðarson urðu í öðru og þriðja sæti - Mynd: eidfaxi.is
Sigurður Sigurðarson og Fróði frá Staðartungu urðu í dag Landsmótsmeistarar í A-flokki gæðinga á Landsmóti hestamanna eftir sigur í A-úrslitum.
Sigurður og Fróði fengu 8,82 fyrir tölt, 8,60 fyrir brokk, 9,16 fyrir skeið, 9,00 fyrir vilja og að lokum 8,96 fyrir fegurð í reið sem gaf þeim lokaeinkunnina 8,92.
Þórður Þorgeirsson og Fláki frá Blesastöðum 1A höfnuðu í öðru sæti með heildareinkunn 8,88 en Sigurbjörn Bárðarson og Stakkur frá Halldórsstöðum fengu þriðju hæstu einkunn 8,86.
Nánar um keppni á A-úrslitum á síðu Eiðfaxa.
Ertu með athugasemd vegna fréttarinnar? Sendu á frettir@ruv.is
