Sérsveit handtók hnífamann

22.02.2016 - 14:09
Mynd með færslu
 Mynd: Rögnvaldur Már Helgason  -  RÚV
Sérsveit ríkislögreglustjóra tók á föstudag höndum mann sem ruðst hafði inn á heimili á Hellu vopnaður hnífi. Hringt var til lögreglu þegar maðurinn ruddist inn, en hann hvarf síðan á braut án líkamsmeiðinga. Lögreglan á Suðurlandi óskaði þá aðstoðar sérsveitarinnar.

Sérsveitin fann manninn í öðru húsi í þorpinu. Hann veitti ekki viðnám þegar hann var handtekinn nokkru síðar og var fluttur í fangageymslu á Selfossi. Við húsleit á heimili mannsins fundust 14 lítrar af landa. Hann hefur verið kærður fyrir húsbrot, eignaspjöll, hótanir og áfengislagabrot. Maðurinn var látinn laus að lokinni yfirheyrslu.

 

 

Samúel Örn Erlingsson
Fréttastofa RÚV