Rúrik skoraði í sigri OB
Fyrst birt: 20.08.2012 20:41, Síðast uppfært: 20.08.2012 20:43
Rúrik Gíslason skoraði fyrra mark OB í kvöld
Rúrik Gíslason skoraði fyrir OB sem vann SønderjyskE 2-1 á heimavelli í dönsku úrvalsdeildinni í knattspyrnu í kvöld.
Rúrik, sem lék allan leikinn fyrir OB, skoraði fyrra mark liðsins á 24. mínútu og var staðan 1-0 í hálfleik. OB jók forskorið í 2-0 á 51. mínútu en SønderjyskE minnkaði muninn í 2-1 fimm mínútum síðar og þar við sat. Eyjólfur Héðinsson var allan tímann á varamannabekk SönderjyskE en Hallgrímur Jónasson var ekki í leikmannahóp liðsins.
OB situr í öðru sæti með 13 stig eftir sex leiki en SønderjyskE er í sjötta sæti með 10 stig.
Ertu með athugasemd vegna fréttarinnar? Sendu á frettir@ruv.is
