Píratar móta stefnuna fyrir kosningar

05.03.2016 - 12:17
Mynd með færslu
 Mynd: RÚV
Píratar leggja um helgina drög að stefnu flokksins. Meðal þess sem fjallað verður um er efnahagsmál, utanríkismál og jafnréttismál.

Píratar eru langstærsti flokkur landsins samkvæmt skoðanakönnunum. Þrír sitja á Alþingi fyrir flokkinn núna, en gangi spár eftir mun fjölga verulega í þeim hópi.

Flokkurinn fundar nú um helgina á Grand Hóteli um stefnuna.  Markmið fundarins er tvíþætt, annars vegar verður farið yfir ýmis stefnumál sem samþykt voru fyrir síðustu kosningar með það fyrir augum að uppfæra og endurnýja stuðning flokksins í ljósi mikillar fjölgunar félaga og hins vegar á að fjalla um uppbyggingu stefnunnar og kröfur til hennar.  

Samkvæmt tilkynningu frá Pírötum verður fundinum  væntanlega skipt upp í verkefnahópa sem fjalla hver um sinn málaflokk, en all nokkrar samþykktar stefnur fjalla um efnahagsmál, utanríkismál og jafnréttismál.

 

 


Deila frétt



Mynd með færslu
Haukur Holm
Fréttastofa RÚV
05.03.2016 - 12:17