Olíutekjur Íraka hafa minnkað

11.02.2016 - 13:40
epa05154300 German Chancellor Angela Merkel (R) and Iraqi Prime Minister Haider al-Abadi speak during a press conference at the Chancellery in Berlin, Germany, 11 February 2016. Merkel and al-Abadi met for bilateral talks.  EPA/RAINER JENSEN
Abadi og Merkel á blaðamannafundi í Berlín í dag.  Mynd: EPA  -  DPA
Tekjur af olíusölu Íraka hafa minnkað verulega undanfarin ár og eru ekki nema 15 prósent af því sem þær voru fyrir tveimur árum. Þetta sagði Haider al-Abadi, forsætisráðherra Íraks, í dag, að loknum fundi með Angelu Merkel, kanslara Þýskalands, í Berlín.

Hann sagði stjórnvöld í Bagdad í miklum vanda vegna þessa og hvatti alþjóðasamfélagið til að hjálpa til við að rétta við efnahag landsins.

Abadi hvatti Kúrda í Írak til að leggja á hilluna öll áform um sjálfstæði og sagði Kúrdahéruðin í norðurhluta landsins lítið geta þróast ein síns liðs. Hann sagði að Kúrdistan væri hluti Íraks og kvaðst vonast til að svo yrði áfram.


Deila frétt



Kristján Róbert Kristjánsson
Fréttastofa RÚV
11.02.2016 - 13:40