Obama fjölskyldan áfram í Washington

03.03.2016 - 22:16
epa04895462 US President Barack Obama (L), daughters Sasha (2-L), Malia (R) and wife Michelle arrive at the White House in Washington DC, USA, 23 August 2015, upon their return from vacationing at Martha's Vineyard.  EPA/Olivier Douliery / POOL
Frá vinstri: Barack, Sasha, Michelle og Malia Obama.  Mynd: EPA  -  ISP POOL
Barack Obama upplýsti í kvöld að hann og fjölskylda hans hyggist búa áfram í Washington eftir að forsetatíð hans rennur sitt skeið á enda í janúar á næsta ári.

Fjölskyldan sjái fram á að búa í borginni þar til Sasha, yngri dóttir hans, hefur lokið gagnfræðaskóla.Obama segir óljóst hvar fjölskyldan festi næst rætur. Hawaii standi hjarta hans næst en einnig Chicago þar sem hann bjó í 30 ár. Borgin er jafnfram heimaborg Michelle forsetafrúar. Eldri dóttir forsetahjónanna, Malia, byrjar háskólanám í haust. 

AFP fréttastofan segir að búist sé við að Obama verji að minnsta kosti fyrstu mánuðunum eftir að hann lætur af embætti í að skrifa endurminningar sínar. Hvað tekur næst við hefur hann ekki gefið upp. 

 


Deila frétt



Ásrún Brynja Ingvarsdóttir
Fréttastofa RÚV
03.03.2016 - 22:16