Norðurslóðir laða að sér ferðamenn

16.02.2016 - 09:03
Erlent · Innlent · Evrópa
Mynd með færslu
 Mynd: RÚV - Rúnar Snær Reynisson  -  Jökulsárlón
Vöxtur ferðaþjónustu á Íslandi er miklu meiri en annars staðar á Norðurlöndum og sá mikli vöxtur skýrir að hluta mikla atvinnuþátttöku í landinu. Hún er vel yfir meðaltali Norðurlandanna.

Þetta kemur fram í samantekt Nordregio um stöðu Norðurlandanna 2016. Þar er sjónum meðal annars beint að ferðaþjónustunni,   

Þar sker Ísland sig algerlega úr í tengslum við þennan ofboðslega mikla og hraða vöxt í komu ferðamanna til landsins. Bæði þegar við horfum á ferðamannastraum með flugi en líka með skemmtiferðaskipum

segir Anna Karlsdótti, ein skýrsluhöfunda. Hvergi annars staðar á Norðurlöndunum megi greina vöxt í líkingu við 176% fjölgun ferðamanna á Suðurnesjum árin 2008-14. 

Þó að það sé að aukast töluvert ferðamannastraumur til Svíþjóðar og þá sérstaklega til Norður-Svíþjóðar. Reyndar hefur undanfarið verið nokkuð mikil aukning í Norður-Noregi. Þannig að  norðurslóðir Norðurlanda hafa greinilega aðdráttarafl. Kannski eigum við eftir að sjá líka einhverja svolítið spennandi þróun á  Grænlandi á komandi árum.

 


Deila frétt



Anna Kristín Jónsdóttir
Fréttastofa RÚV
16.02.2016 - 09:03
Erlent · Innlent · Evrópa