Naumur sigur Hauka í Hafnarfjarðarslagnum

20.02.2016 - 16:00
Mynd með færslu
 Mynd: Andri Sigfússon
Haukar unnu eins marks sigur á FH í miklum spennuleik í Olís-deild kvenna á Ásvöllum í dag, 24-23. Ramu­ne Pek­ar­skyte skoraði sigurmark Hauka þegar 10 sekúndur voru eftir af leiknum.

Hlutskipti liðanna fyrir leikinn var ólíkt því Haukar voru í öðru sæti deildarinnar en FH í 13. sæti. Leikurinn var þrátt fyrir það jafn og spennandi. FH byrjaði leikinn betur en Haukar náðu svo yfirhöndinni og höfðu þriggja marka forystu í hálfleik, 14-11.

Haukar voru með frumkvæðið lengst af í síðari hálfleik en Sigrún Jóhannsdóttir náði að jafna metin fyrir FH þegar um hálf mínúta var eftir af leiknum.  Ramu­ne Pek­ar­skyte skoraði svo sigurmark Hauka og tryggði rauðklæddum sigur í Hafnarfjarðarslagnum.

Elín Anna Baldursdóttir átti mjög góðan leik hjá FH og skoraði níu mörk. Ramu­ne Pek­ar­skyte var markahæst hjá Haukum með sjö mörk. Hauk­ar eru með 34 stig í öðru sæti deild­ar­inn­ar en FH með sjö stig í 13. sæt­i.

Staðan í Olís-deild kvenna

Úrslit dagsins í Olís-deild kvenna:
Haukar 24 - 23 FH
Fram 30 - 18 ÍR
ÍBV 32 - 33 Fylkir


Deila frétt



Mynd með færslu
Jón Júlíus Karlsson
íþróttafréttamaður
20.02.2016 - 16:00