Mótmæli í dómkirkju heilags Páls
Fyrst birt: 15.10.2012 00:40, Síðast uppfært: 17.10.2012 10:54
Flokkar: Erlent
Frá mótmælum utan við kirkjuna fyrir ári /AFP
Fjórar ungar, hvítklæddar konur, félagar í svo kallaðri Occupy-hreyfingu, hlekkjuðu sig við prédikunarstólinn í dómkirkju heilags Páls í Lundúnum við kvöldbænir í kvöld.
Konurnar héldu á borða sem á stóð "rekið víxlarana úr musterinu". Kvöldbænir héldu áfram eins og ekkert hefði í skorist. Konurnar losuðu sig nokkrum klukkustundum síðar þegar lögregla tilkynnti þeim að þær yrðu handteknar gerðu þær það ekki. Þær héldu svo á braut. Ár er síðan félagar í Occupy-hreyfingunni settu upp tjaldbúðir utan við dómkirkjuna.
Ertu með athugasemd vegna fréttarinnar? Sendu á frettir@ruv.is
